山頂老闆請兼職私人司機 網民嫌時薪屋邨價 嘲出手低兼工時短｜Juicy叮
發佈時間：13:50 2025-09-20 HKT
網上一段在「山頂取車」開工的兼職私人司機招聘廣告，近日備受網民關注，除嫌棄開出的屋邨價時薪外，還嘲笑3小時的工時太短；有好心人還提醒老闆小心「低薪引狼」。詳情見下圖及下文：
山頂老闆請兼職私人司機 網民嫌時薪屋邨價 嘲出手低兼工時短逐張睇↓↓↓↓
工作時間：周一至五下午3-6時
樓主前日（18日）在facebook群組「香港私人司機.公司司機.討論.招聘」發帖招聘兼職私人司機，帖文內容簡單——交帶了上班時間和時薪——「Part time（兼職）私人司機，山頂取車，星期一至五，下午3-6時，$150-$180/小時，有興趣請pm（Private Message，私下傳訊息）」。
網民：呢個屋邨價錢唔係山頂
由於是「山頂取車」，不少網民對這豪宅區聘請司機的薪酬都期望甚殷，但似乎對帖文開出的「$150-$180/小時」時薪不太滿意，有人直接留言批評「呢個屋邨價錢唔係山頂！侮辱咗附近隣居」。
另有人嘲諷「請私人司機都要Part time...窮就行路落山啦，影衰晒住隔離啲人」、「出手咁低，影衰隔離鄰舍」、「睇到呢段嘢面青晒，嗰日我Part time中環入機場再泊好架車都收數$600，依家啲老細真縮骨」，有人笑言是「山頂KK園！」。
有網民倒也質疑「山頂」的位置，表明「所以要問清楚個地址，可能住勵德邨又話自己住山頂」、「可能係慈雲山」、「喂，你哋有冇搞錯呀，係咪大嶼山頂呀」。
至於「星期一至五，下午3-6時」的工時也遭網民詬病，不滿「做得3個鐘，有啲少」、「上山落山3個鐘，做你3個鐘，住山頂點會有啲咁窮嘅人㗎，一定有陰謀」。
相關閱讀：月薪2.7萬請私人司機 洗5部車嚇窒網民 過來人自爆見工經歷......
網民提醒：低薪引狼
於是有人好心提醒老闆「高薪養廉～低薪引狼」、「山頂老闆，你自己諗諗，住九龍來回都3個鐘，都話有興趣，小心啲，可能上班幾日就撞咗你部車，跟住同你玩勞保玩足兩年」。
另有網民獻計「搭的士咪得囉，3個鐘請咩私人司機啊？好多個地點要去啊」，於是有人估計「就係山頂成日Call（召喚）唔到的（士）先諗Part time」。
網民度出3小時工作範圍
還有人精打細算，度出了3小時的工作範圍——「3點開工出車，第1站車工人去街市買餸，第2站接少爺小姐放學，跟著去返街市接工人，車返上山搞惦收工，啱啱好3粒鐘，我斷估係咁」。
還有人突破盲點，估計帖文「似假工 」。不過，有人卻認真應徵，雖然帖文講明「有興趣請pm」，但不少應徵者直接在回應欄留下手機號碼，表明「有興趣」、「25年駕駛經驗」、「可即時上班」、「可隨時開工」，並報上住居住地區，包括銅鑼灣、何文田。
相關閱讀：大潭豪宅戶勁辣條件請司機 月薪$X萬有OT補水 網民：有冇計錯數？↓↓↓↓
去年底，有港島大潭豪宅住戶開出勁辣條件招聘私人司機，打工仔最直接的反應是多看兩眼，希望工作條件優厚，跳槽後畀心機打份筍工皆大歡喜。
不過，網民「唔睇由自可，一睇把幾火」，看過招聘廣告細則後即時變臉，失望之餘也壓不住怒火，批評「無錢就搭巴士」，有人更加促開價的豪宅戶「搬返去地鐵站旁」住。facebook群組「香港司機招聘群」早前一則「本地家庭司機」的招聘帖文列明↓↓↓↓
