輕鐵大媽不滿男乘客赤膊大鬧車廂 「唔係第一次，我要今日解決呢件事！」港鐵回應最後咁收科｜Juicy叮
發佈時間：10:14 2025-09-09 HKT
有大媽因不滿車廂內男乘客赤膊，勃然大怒要求職員介入，她霸氣地指令職員說：「唔係第一次，已經三、四次，我已經勸喻咗要著返（衫）......你幫我處理，我要今日解決呢件事！」
大媽大鬧車廂，令輕鐵一度停駛，大媽與鼓譟的乘客辱槍舌劍，火藥味濃，過程如下：
輕鐵大媽不滿男乘客赤膊大鬧車廂 「唔係第一次，我要今日解決呢件事！」港鐵回應最後咁收科↓↓↓↓
事發在上周二（2日）晚上，有網民在抖音上載當時影片，有港鐵職員已上車處理，該名載太陽鏡的女子，向該職員道謝：「唔該，阿Sir。」職員要求該女子「坐後少少」，該女子應聲起來，片中有乘客大叫報警。
片中聽到，不少乘客對女子的行為發出訕笑聲，站在門旁的女子拿出平板電腦，並大聲申訴對赤膊男乘客的不滿：「唔係第一次啦，已經三、四次，我已經勸喻咗要著返（衫）......」
這時多名乘客鼓譟，不滿該女子行為令輕鐵暫時停駛：「趕返工呀！」女子大聲喊道：「趕返工，打電話返去呀！趕返工唔緊要！」有乘客要求女子賠償，女子再大聲反駁：「唔係我賠，我無本事賠！我無本事賠你嘅嘢，你返工作係啲乜嘢嘢......」
乘客：「我要返工，好貴呀！」
在場職員即時安撫各乘客，頻說「唔好意思」，又要求該女子移至較後位置，女子其後霸氣指令該職員：「去到邊個站你幫我處理！我要今日解決咗呢件事！」
職員其後離開車廂，有乘客大叫：「我要返工，好貴呀！」女子聞言大聲喊道：「好貴唔緊要，依家香港政府好平啫，特區政府會協助㗎啦！」
該女子又拿出平板電腦，拍攝四周乘客，大叫：「我開始錄音，你哋乘客有咩要求，講啦！我依家開始錄音！」多名乘客鼓譟起來：「唉，開車啦！」這時職員上前要求該女子冷靜，並勸喻她轉到較後位置，女子則回應：「一定冷靜啦，我坐邊到好呀？」職員即指示她坐到較後位置，以避免與其他乘客繼續唇槍舌劍。
網民熱議事件，有人認為這女子小題大做：「行去第二個車卡咪得，咁麻煩」，「球場泳灘咁多阿伯唔着衫又冇人嘈！」不過，有網民則認為赤膊乘客確有不是之處：「個乘客（指大媽）係麻煩，但其實港鐵真係有附例，乘客要穿著合適衣服的。」「其實乘客鼓譟係因為影響了自己的時，但阿伯唔著上衣又真係唔啱......」
港鐵發言人回覆《星島頭條》表示，翻查記錄，9月2日，一架 615 綫輕鐵的車長收到車上一位女乘客投訴一位男乘客，車長於是通知車務控制中心，並在在田景站處理事件。女乘客之後自行報警，相關乘客在石排站下車，事件交由警方跟進。
來源：抖音
同場加映：大媽港鐵衝門外賣被夾半天吊 疑似事主最終畫面曝光 目擊者：成車人笑到ＸＸ↓↓↓↓
