未過期甜豉油生出核突「鵝腸」？ 港女點煎餃子前嚇傻 網民提醒做一事即可預防｜Juicy叮
發佈時間：13:30 2025-08-24 HKT
有未過期的甜豉油，樽內竟然生出一大推像「鵝腸」的不知名核突物體，嚇得準備用作點煎餃子的物主驚惶失措，連忙拍照上網問個究竟。詳情見下圖及下文：
未過期甜豉油生出核突「鵝腸」？ 港女點煎餃子前嚇傻逐張睇↓↓↓↓
樓主：嚇到黐線
樓主本月22日在社交平台Threads以「甜豉油」為題，上載相片和短片發帖，留言「自問我雖然唔係成日入廚房，但都未至於啲野擺到過期或者幾十年先入一次，最多對上入廚房係兩個月前嘅啫。
今日諗住煎個餃子拎枝甜豉油出嚟點吓，一拎上手就見到入面無啦啦多咗呢啲不知名嘅物體，嚇到我黐線，我又唔敢倒出嚟摸下個質感，驚死有菌 ，有無人解答我到底係咩嚟…好核突」。相中見到，涉事的甜豉油「此日期前最佳」為2028年2月27日，未過期。
網民教路：甜豉油開咗要放雪櫃
回應的網民對豉油生嘢似乎滿有經驗，留言教路：
•開過要放雪櫃呀；
•買咗新一枝之後記得放雪櫃喇；
•開封之後就開始有微生物繁殖喇；
•酵菌嚟，天氣太熱太潮濕 ＋ 可能無閂好個蓋；
•證明真係無防腐劑同有機，呢啲係發咗霉嘅菌，始終香港潮濕炎熱 ，下次開咗記得放入雪櫃；
•如果唔係日日用嗰枝豉油係要放雪櫃，我記得說明有講，同埋倒豉油嗰下係幫助空氣排出，無咁易變壞，所以唔係日日用，就要放雪櫃；
•甜豉油開咗要放雪櫃，普通豉油就唔使，可能因為甜豉油糖分多，我最初都唔知，但每朝起身都發現之前豉油個蓋打開咗，之後就將佢放雪櫃。
樓主在留言欄回應指：「食咗咁多年都無擺雪櫃，第一次見可能天氣太熱了」。有網民則警惕地表示「睇完你個帖，即刻衝去睇下枝生抽同老抽無有無事」。
消委會：豉油非經常使用可冷藏
消委會也曾提醒市民：
•豉油是由黃豆發酵而成的醬料，是烹調傳統中式料理不可或缺的調味品。豉油的鹽分高，不易變壞，煮食時經常用來調味，消費者可以買小瓶裝，存放於陰涼乾燥的地方。但如果豉油並非經常使用，又或是春夏季室溫較高和潮濕的環境，亦可冷藏以免變壞或發霉。
•由黃豆發酵而成的豉油，由於本身鹽份高，不易變壞，若經常使用，建議存放於陰涼乾燥地方即可；相反，若開封後隔一段長時間才再使用，為免受潮濕或較熱天氣影響，建議冷藏以免變壞發霉。
豉油保鮮3大貼士
有醬油製造商則教路，如何保持不加防腐劑豉油的優「鮮」狀態。當中提醒，由於豉油不加防腐劑，「開封使用後如果儲存方法不當，就有機會產生輕微變化。想知點樣先可以保持優『鮮』狀態，記得抄低以下3大保鮮貼士啦」。
豉油保鮮3大貼士：
•貼士️１：每次用完都要抹乾淨樽口，並冚實樽蓋，盡量減少空氣及濕氣入樽；
•貼士️２：開封使用後要放入雪櫃冷藏存放，可以減低豉油受溫度變化影響，穩定品質；
•貼士️３：定期檢查豉油狀態同食用期，確保豉油沒有異樣，可以繼續食用。
資料來源：kadiiisha_＠Threads
相關閱讀：未過期豉油驚現生菇？勁似鵝腸 網民指一個原因導致↓↓↓↓
家中有煮食的，必備一枝豉油，有網民2022年底時，曾在網上分享，指發現家中一樽生抽（豉油）內有奇怪的不明白色異物，有點似生菇，上網問「有冇人知係咩嚟？」事主指「最奇怪係喺枝生抽入面」，而該枝豉油還未過期↓↓↓↓
【同場加映｜消委會教存放醬料調味品↓↓↓↓】
消委會曾指出，一些調味料因其本身成分特性，是不宜放進雪櫃，例如乾燥調味品（鹽、糖、蒜鹽、雞粉、生粉、胡椒粉、脫水、磨碎或完整的香料），只需放置在密封容器，保存在陰涼處即可。
消委會建議存放時要留意以下重點：
