「張栢芝閨密」慘被男同事強姦毀前途：我唔係怕講呢件事 怕被淘汰決走性感路線搏出位
發佈時間：09:00 2025-08-24 HKT
96年亞姐出身53歲張文慈（Pinky），落選後簽約亞視，其後轉戰電影，因不時有性感演出而知名度大增。不過2020年，張文慈移居內地並主力在抖音開直播及帶貨，鮮有在香港拍劇。近日張文慈接受資深傳媒人汪曼玲的YouTube頻道訪問，原來她的直播之路一點都不順利，試過半年零收入，差點被炒魷魚。
張文慈因一事怕提性侵
與此同時，張文慈自揭從小學二年級到六年級一直被小混混霸凌，入行後又爆出多年前曾被一名男同事強姦的傷痛往事：「其實我唔係怕講呢件事，而係怕再講呢件事，而係人哋覺得我又拎嚟做宣傳。」
相關閱讀：前三級片女星IG派福利！一原因貼素顏床上影片 獲網民like爆：你是不會老
張文慈17歲曾遭人落藥性侵
張文慈在4歲的時候父母已離婚，自小便缺乏家庭溫暖，到了8歲時，試過被同學與及小混混欺凌，甚至被打至流血。張文慈入行後曾表示17歲返暑期工時認識了一位男同事，有一晚她與該位男同事和女同事相約食飯，期間張文慈被落藥，醒來後就發現耳朵及身體都有流血，張文慈當時被嚇到不敢報警，亦不敢告訴屋企人：「我覺得大鑊喇！講畀屋企人聽死梗喇！其實我好驚，一諗起報警會被人知，我覺得自己好醜，唔敢同人講。」當時冇報警，唔敢同家人講，好驚！好怕畀人知！」本來張文慈一直隱瞞事件，直到入行後在偶然機會下才告知了傳媒，豈料情況卻變得更糟。
張文慈否認借性侵宣傳
今次在訪問上，張文慈說：「我真係唔識喺娛樂圈生存，我啱啱選嘅時候，講真我嘅樣睇落去好似好開放，但係我又唔敢講嘢，有啲男士追求我，我又冷冰冰，人哋以為我好隨便，其實我只唔識得圓滑，唔識得做心。」重提被性侵事件，張文慈說：「嗰陣我啱啱入行，一個細路女，你問我乜嘢，我又唔識得講大話，咪捉咗我一啲說話放大，後嚟我畀亞視雪藏，越雪越覺得自己醜，跟住咪我越收埋自己。其實我唔係怕講呢件事，而係怕再講呢件事，人哋會覺得我又拎呢件事做宣傳，我都幾十歲人喇，仲有乜嘢好做宣傳？我唔知醜咩？我根本就唔需要，而家我就係笑看人生，將我嘅事分享出嚟，我仲有乜嘢需要拎呢件事做宣傳？就算有，都唔係而家喇。」
相關閱讀：52歲前亞姐張文慈分享包包內炎夏必備三寶 有黑超都未夠仲要戴多樣嘢上面？
張文慈走性感路線與性侵事件有關
張文慈又稱走性感路線，多多少少與事件有關：「因為我以前好冇安全感，我覺得如果我唔走呢條路，人哋就唔會睇我，即係我冇存在價值，只要咁樣先可以出位，我好驚冇得做，怕被人淘汰，我個人又自卑、恐懼兼冇安全感，加上我真係唔識同人溝通，我而家好似好識講嘢，可能因我呢幾年做咗直播磨練咗出嚟。」張文慈續說：「因為我有宗教，喺教會分享呢個見證，有勇氣去面對，而家越嚟越唔驚，而且同屋企人關係好咗，我覺得自己好型，我嘅人生經歷咁多，到而家都冇放棄， 我冇婚姻，亦唔算有錢，但係我好感恩，因為我有健康，我有工作的能力。」
