「张栢芝闺密」惨被男同事强奸毁前途：我唔系怕讲呢件事 怕被淘汰决走性感路线搏出位
发布时间：14:50 2025-08-24 HKT
96年亚姐出身53岁张文慈（Pinky），落选后签约亚视，其后转战电影，因不时有性感演出而知名度大增。不过2020年，张文慈移居内地并主力在抖音开直播及带货，鲜有在香港拍剧。近日张文慈接受资深传媒人汪曼玲的YouTube频道访问，原来她的直播之路一点都不顺利，试过半年零收入，差点被炒鱿鱼。
张文慈因一事怕提性侵
与此同时，张文慈自揭从小学二年级到六年级一直被小混混霸凌，入行后又爆出多年前曾被一名男同事强奸的伤痛往事：「其实我唔系怕讲呢件事，而系怕再讲呢件事，而系人哋觉得我又拎嚟做宣传。」
相关阅读：前三级片女星IG派福利！一原因贴素颜床上影片 获网民like爆：你是不会老
张文慈17岁曾遭人落药性侵
张文慈在4岁的时候父母已离婚，自小便缺乏家庭温暖，到了8岁时，试过被同学与及小混混欺凌，甚至被打至流血。张文慈入行后曾表示17岁返暑期工时认识了一位男同事，有一晚她与该位男同事和女同事相约食饭，期间张文慈被落药，醒来后就发现耳朵及身体都有流血，张文慈当时被吓到不敢报警，亦不敢告诉屋企人：「我觉得大镬喇！讲畀屋企人听死梗喇！其实我好惊，一谂起报警会被人知，我觉得自己好丑，唔敢同人讲。」当时冇报警，唔敢同家人讲，好惊！好怕畀人知！」本来张文慈一直隐瞒事件，直到入行后在偶然机会下才告知了传媒，岂料情况却变得更糟。
张文慈否认借性侵宣传
今次在访问上，张文慈说：「我真系唔识喺娱乐圈生存，我啱啱选嘅时候，讲真我嘅样睇落去好似好开放，但系我又唔敢讲嘢，有啲男士追求我，我又冷冰冰，人哋以为我好随便，其实我只唔识得圆滑，唔识得做心。」重提被性侵事件，张文慈说：「𠮶阵我啱啱入行，一个细路女，你问我乜嘢，我又唔识得讲大话，咪捉咗我一啲说话放大，后嚟我畀亚视雪藏，越雪越觉得自己丑，跟住咪我越收埋自己。其实我唔系怕讲呢件事，而系怕再讲呢件事，人哋会觉得我又拎呢件事做宣传，我都几十岁人喇，仲有乜嘢好做宣传？我唔知丑咩？我根本就唔需要，而家我就系笑看人生，将我嘅事分享出嚟，我仲有乜嘢需要拎呢件事做宣传？就算有，都唔系而家喇。」
相关阅读：52岁前亚姐张文慈分享包包内炎夏必备三宝 有黑超都未够仲要戴多样嘢上面？
张文慈走性感路线与性侵事件有关
张文慈又称走性感路线，多多少少与事件有关：「因为我以前好冇安全感，我觉得如果我唔走呢条路，人哋就唔会睇我，即系我冇存在价值，只要咁样先可以出位，我好惊冇得做，怕被人淘汰，我个人又自卑、恐惧兼冇安全感，加上我真系唔识同人沟通，我而家好似好识讲嘢，可能因我呢几年做咗直播磨练咗出嚟。」张文慈续说：「因为我有宗教，喺教会分享呢个见证，有勇气去面对，而家越嚟越唔惊，而且同屋企人关系好咗，我觉得自己好型，我嘅人生经历咁多，到而家都冇放弃， 我冇婚姻，亦唔算有钱，但系我好感恩，因为我有健康，我有工作的能力。」
