泰國返港航班起飛半小時即出手 「飛機老鼠」疑開袋被撞破 乘客提醒注意兩大狡猾重點｜Juicy叮
發佈時間：11:29 2025-08-08 HKT
一班從泰國飛香港的航機上懷疑有「飛機老鼠」出沒，賊人起飛半小時後即落手開袋，被本港一名紋身師即場撞破。事主昨日（7日）在社交平台Threads以「機倉老鼠」為題發帖，上載相片並留言警世，提醒要注意賊人兩大狡猾重點。詳情見下圖及下文：
泰國返港航班起飛半小時即出手 「飛機老鼠」疑開袋被撞破逐張睇↓↓↓↓
事主：起飛半個鐘偷開我哋個袋
事主在「警世post（帖文）」指——「挪威返香港，喺泰國轉機。Ｘ你，挪威嗰程已經搭咗11個鐘，後面坐咗個細路仔一直踢我張凳冇Ｘ瞓過，好彩紋身師平時都唔瞓覺先捱得到。諗住第二程休息吓，Ｘ你起飛半個鐘望Ｘ住個大陸佬偷開我哋個袋，係咪當我弱智？對住個大陸佬怒Ｘ一波」。
事主續稱「加加埋埋兩日冇Ｘ瞓覺，不過都係嗰句，好彩我平時都唔使瞓，大家呢排搭飛機要小心喔，人家原來集團式經營喔」。事主在回應欄內透露，「我有個書包裝咗畫圖嘅iPad同埋相機咋，差啲冇Ｘ晒啲紋身圖」。
「飛機老鼠」兩大狡猾重點
而事主上載的4張相片均有圖片說明，當中提到「飛機老鼠」的兩大狡猾重點，一是「依家啲機艙老鼠好興分開坐，互相睇水」；二是「佢班Ｘ樣會趁你瞓覺開你個袋子拎錢」，於是苦口婆心地提醒「唔好將貴重物品行李放上面」。
•喺意大利咁耐都冇俾人偷到嘢......起飛半個鐘已經斷正佢哋，本身上程機11個鐘頭冇瞓覺俾個細路嘈住已經夠攰，我唔會放過你哋。
•依家啲機艙老鼠好興分開坐，互相睇水。報完警警察話最近好多單。大家搭飛機要小心，唔好將貴重物品行李放上面，佢班Ｘ樣會趁你瞓覺開你個袋子拎錢。
•仲有呢個都係賊，一架飛機估計有10隻老鼠左右，同時識講普通話同埋泰文，KK園係咪打通第二條水路。
•我哋報完警之後，還有其他乘客Check bag（檢查袋子）走出嚟話不見錢，又做咗件善事，勁過扶阿婆過馬路，Yeah（耶）。
有回應網民對事件感到好奇，查問：
•網民：係咪同空姐講話想報警，跟住一落機警察就到？
事主：空姐會聯絡機師，機師聯絡地勤，地勤報警，如果冇理解錯。
•網民：最尾捉到幾多隻？
事主：兩隻炸Ｘ，其他冇證據又坐得遠，所以入唔到。
網民分享防盜心得
有網民估計「取易不取難，呢班賊係等入閘就睇定目標入手」；另有不少網民感謝事主發文警世，並熱心地及分享個人的防盜心得：
•事主做得好，其實所有人都應該醒覺，錢財貴重物品都應該跟身」；
•我錢跟身，會帶個小單帶袋，放前面或以風衣蓋住；
•我每次搭飛機，就算去廁所，我都會連個袋拎入去；
•最近聽到連放櫈底都出事，睇嚟貴重嘢包好當腰枕先掂；
•堅呀，貴重嘢都係要跟身，一閂咗燈係多咗人開上倉拎嘢；
•現金最好放係有拉鍊嘅衫袋或褲袋，我從來唔會擺上行李架；
•而家搭親飛機都會望住啲人拎袋，搭飛機好地地上去拎乜鬼錢；
•好Ｘ煩㗎真係。啲人成日扮嘢搵嘢。事實搵人哋個袋。好彩我背囊放椅低踩住；
•唔好話銀包護照，我連相機鏡頭都跟身，依家飛機真係好多老鼠，特別係啲短程航班；
•通常3人一組，分開坐，你個袋放頭上，好快就會搵機會扮拎嘢，去偷你哋袋入邊的嘢。貴重嘢都係跟身了，短途星馬泰好容易有這些小偷，因為佢哋方便即日來回偷兩程機。
有苦主自爆泰國飛香港被偷4萬元
有苦主在回應欄自爆慘事——「好老實，我係今年新年一樣喺泰國飛返香港嘅機，我俾人偷咗4萬，我仲要係反到屋企第二日先發現，真心嬲！但係都覺得係自己Ｘ，放咁多錢係大背囊。（外家喺泰國，所以新年返去帶咁多錢係好正常，唔好問點解。）」。
資料來源：leeyuanyip＠Threads
相關閱讀：直擊疑似港男飛首爾機艙偷竊 手法專業一方法轉移賊贓防被擒 落機一度尾隨偷拍者↓↓↓↓
有港女在本港搭乘飛首爾航機，在商務艙內遇上俗稱「機艙老鼠」的竊匪，偷竊者疑似為香港人，女事主偷拍到他犯案過程，手法專業，為防被擒，轉移賊贓方式非法狡滑。
該女網民在社交平台Threads發帖，公開當時疑犯趁艙內熄燈昏暗時犯案的過程，女網民當時「扮瞓」開手機偷拍，全程如下（註：當時艙內昏暗漆黑，以下截圖經後期調光）↓↓↓↓
