泰国返港航班起飞半小时即出手 「飞机老鼠」疑开袋被撞破 乘客提醒注意两大狡猾重点｜Juicy叮
发布时间：11:29 2025-08-08 HKT
一班从泰国飞香港的航机上怀疑有「飞机老鼠」出没，贼人起飞半小时后即落手开袋，被本港一名纹身师即场撞破。事主昨日（7日）在社交平台Threads以「机仓老鼠」为题发帖，上载相片并留言警世，提醒要注意贼人两大狡猾重点。详情见下图及下文：
泰国返港航班起飞半小时即出手 「飞机老鼠」疑开袋被撞破逐张睇↓↓↓↓
事主：起飞半个钟偷开我哋个袋
事主在「警世post（帖文）」指——「挪威返香港，喺泰国转机。Ｘ你，挪威𠮶程已经搭咗11个钟，后面坐咗个细路仔一直踢我张凳冇Ｘ瞓过，好彩纹身师平时都唔瞓觉先挨得到。谂住第二程休息吓，Ｘ你起飞半个钟望Ｘ住个大陆佬偷开我哋个袋，系咪当我弱智？对住个大陆佬怒Ｘ一波」。
事主续称「加加埋埋两日冇Ｘ瞓觉，不过都系𠮶句，好彩我平时都唔使瞓，大家呢排搭飞机要小心喔，人家原来集团式经营喔」。事主在回应栏内透露，「我有个书包装咗画图嘅iPad同埋相机咋，差啲冇Ｘ晒啲纹身图」。
「飞机老鼠」两大狡猾重点
而事主上载的4张相片均有图片说明，当中提到「飞机老鼠」的两大狡猾重点，一是「依家啲机舱老鼠好兴分开坐，互相睇水」；二是「佢班Ｘ样会趁你瞓觉开你个袋子拎钱」，于是苦口婆心地提醒「唔好将贵重物品行李放上面」。
•喺意大利咁耐都冇俾人偷到嘢......起飞半个钟已经断正佢哋，本身上程机11个钟头冇瞓觉俾个细路嘈住已经够攰，我唔会放过你哋。
•依家啲机舱老鼠好兴分开坐，互相睇水。报完警警察话最近好多单。大家搭飞机要小心，唔好将贵重物品行李放上面，佢班Ｘ样会趁你瞓觉开你个袋子拎钱。
•仲有呢个都系贼，一架飞机估计有10只老鼠左右，同时识讲普通话同埋泰文，KK园系咪打通第二条水路。
•我哋报完警之后，还有其他乘客Check bag（检查袋子）走出嚟话不见钱，又做咗件善事，劲过扶阿婆过马路，Yeah（耶）。
有回应网民对事件感到好奇，查问：
•网民：系咪同空姐讲话想报警，跟住一落机警察就到？
事主：空姐会联络机师，机师联络地勤，地勤报警，如果冇理解错。
•网民：最尾捉到几多只？
事主：两只炸Ｘ，其他冇证据又坐得远，所以入唔到。
网民分享防盗心得
有网民估计「取易不取难，呢班贼系等入闸就睇定目标入手」；另有不少网民感谢事主发文警世，并热心地及分享个人的防盗心得：
•事主做得好，其实所有人都应该醒觉，钱财贵重物品都应该跟身」；
•我钱跟身，会带个小单带袋，放前面或以风衣盖住；
•我每次搭飞机，就算去厕所，我都会连个袋拎入去；
•最近听到连放櫈底都出事，睇嚟贵重嘢包好当腰枕先掂；
•坚呀，贵重嘢都系要跟身，一闩咗灯系多咗人开上仓拎嘢；
•现金最好放系有拉链嘅衫袋或裤袋，我从来唔会摆上行李架；
•而家搭亲飞机都会望住啲人拎袋，搭飞机好地地上去拎乜鬼钱；
•好Ｘ烦㗎真系。啲人成日扮嘢揾嘢。事实揾人哋个袋。好彩我背囊放椅低踩住；
•唔好话银包护照，我连相机镜头都跟身，依家飞机真系好多老鼠，特别系啲短程航班；
•通常3人一组，分开坐，你个袋放头上，好快就会揾机会扮拎嘢，去偷你哋袋入边的嘢。贵重嘢都系跟身了，短途星马泰好容易有这些小偷，因为佢哋方便即日来回偷两程机。
有苦主自爆泰国飞香港被偷4万元
有苦主在回应栏自爆惨事——「好老实，我系今年新年一样喺泰国飞返香港嘅机，我俾人偷咗4万，我仲要系反到屋企第二日先发现，真心嬲！但系都觉得系自己Ｘ，放咁多钱系大背囊。（外家喺泰国，所以新年返去带咁多钱系好正常，唔好问点解。）」。
资料来源：leeyuanyip＠Threads
相关阅读：直击疑似港男飞首尔机舱偷窃 手法专业一方法转移贼赃防被擒 落机一度尾随偷拍者↓↓↓↓
有港女在本港搭乘飞首尔航机，在商务舱内遇上俗称「机舱老鼠」的窃匪，偷窃者疑似为香港人，女事主偷拍到他犯案过程，手法专业，为防被擒，转移贼赃方式非法狡滑。
该女网民在社交平台Threads发帖，公开当时疑犯趁舱内熄灯昏暗时犯案的过程，女网民当时「扮瞓」开手机偷拍，全程如下（注：当时舱内昏暗漆黑，以下截图经后期调光）↓↓↓↓
