搬大支嘢上巴士 大叔咁做嚇到車長誇張縮一縮 網民鬧爆：唔應該俾佢上車｜Juicy叮
發佈時間：15:47 2025-07-25 HKT
一名大叔被路人直擊到搬著高過車門的大支嘢物件，登上一輛途經青衣前往葵涌的A32路線機場巴士。由於大支嘢貨物太大件，加上大叔上車時的一個動作，嚇至車長誇張地縮一縮。對於大叔的巴士貨運行徑，網民大都看不過眼，直呼「唔應該俾佢上車」。詳情見下圖及下文：
搬高過車門大支嘢上巴士 大叔咁做嚇到車長誇張縮一縮逐張睇↓↓↓↓
相關閱讀：港鐵大媽搬巨櫃封半邊車廂 超離譜畫面震驚網民：不可思議
大叔屈起膝頭借力起勢
樓主早前以「巴士集運2.0」為題，在facebook群組「車cam L（香港群組）」上載短片發帖。
片中見到一名孭斜孭袋的大叔，起初以手推車載著兩件大支嘢貨物，當準備登車時，先卸下其中一件最長的以左手拿著，右手挽著載貨的手推車；大叔滿載而歸，好不忙碌的左手手臂還套著一個紅色購物袋。
擺好準備上車的陣勢後，大叔屈起膝頭借力起勢，一口氣把大支嘢打斜如瞄準車長般「隊」入車廂。就是這麼一「隊」，嚇得車長誇張地順勢向右旁縮一縮。
短片在大叔登車後便告完結，未知後續發展如何。不過。網民對大叔的巴士貨運行徑已看不過眼，在帖文的留言欄大鬧「唔應該俾佢上車」。
相關閱讀：港鐵九龍塘站疑似搬屋畫面震撼網民 手推車滿載堆成山 乘客一人一架咁樣上車
網民笑稱：阿伯大碌竹 司機縮一縮
雖然有網民提到「龍運可攜帶71x56x26cm物品」，但有人回應稱「點睇都唔止71cm啦」。有網民則搞笑地留言緩和氣氛，笑稱「阿伯大碌竹，司機縮一縮」、「司機哥哥反應好正」、「佢仲要隊個司機」。
涉事的A32線巴士為機場巴士路線，由龍運巴士營辦，來往葵涌邨及機場（地面運輸中心），途經青衣。龍運巴士回覆《星島頭條》查詢時表示，龍運知悉事件，並已提醒相關車長關於登車行李的尺寸及重量限制。
根據龍運巴士的「乘客須知」，乘客「嚴禁攜帶總體積超過十份一立方米、總重量超逾五公斤或含危險性或厭惡性之物件上車。該物件不得佔用座位及不得放置在巴士的通道或樓梯上。『A』線及『NA』線的乘客可攜帶一件體積不超過71x56x26厘米 (28x22x10 吋) 之行李及一件體積不超過56x36x23厘米 (22x14x9吋) 之手提行李登車」。
資料來源：Soso Chan＠facebook
相關閱讀：電動輪椅客「孭背囊式」巴士運貨 凌空「咁孭」兩大箱貨勁牙煙 被揭疑似販運一種藥↓↓↓↓
有電動輪椅客今年5月左右被拍攝到「孭背囊式」運貨搭巴士奇景，片中見到一名坐輪椅的大叔，驚險凌空孭兩大箱貨落巴士。有眼利的網民估計，大箱子內可能載有一種藥物↓↓↓↓
