大叔白撞銀行「大戶」樓層 醒目職員4句話婉轉趕客 目擊者拜服： 無講「錢」保護客人尊嚴｜Juicy叮
發佈時間：16:01 2025-07-11 HKT
百貨應百客。銀行業務多元化，推出不同的戶口種類，部分戶口存款或資產總額門檻較高，所屬客戶能享受到的銀行服務也相對「升級」。銀行打開門口做生意，難免偶然有不知就裏的普通客人，誤闖銀行專為大戶而設的「空間」，面對這尷尬情況，職員往往需要做醜人趕客。
有網民早前便見識到，醒目的銀行職員尷尬而不失禮貌，又能保護白撞客人尊嚴的趕客方式。詳情見下圖及下文：
大叔白撞銀行「大戶」樓層 醒目職員4句話婉轉趕客逐張睇↓↓↓↓
樓主昨日（10日）在社交平台Threads發帖——「有一次去某銀行要有某個數額存款嗰一層，有一位中年男人入嚟攞籌等櫃位。職員目測判斷佢唔係呢啲優越客戶，於是問佢攞張銀行卡睇一睇」。
相關閱讀：做定期竟變向銀行借貸？！元朗7旬老夫婦「被」欠債350萬 轟銀行經理「咁樣」誤導
白撞大叔無大戶服務概念
樓主續稱，「結果，check（檢查）咗之後果然唔係，但呢位先生完全冇概念，覺得自己應該喺呢度坐低飲住咖啡等。但職員好客氣，講咗好多說話，但完全冇『錢』呢個字，去請呢位先生落返普通嗰一層排隊：
•或者樓下嘅同事可以幫到你；
•呢一層係俾另一種客戶，你未必會揀呢度；
•樓下嗰層嘅同事會明白點樣幫你；
•呢度坐低等嘅客人有唔同嘅需要......。
樓主佩服地表示，「講咗5分鐘有多，嗰位先生先聽話離開。但令人佩服嘅係，銀行嘅職員，講咁多嘢都完全冇講個『錢』字，完全保護住客人嘅尊嚴」。
相關閱讀：戶口突然進賬9000萬轉眼又消失？ 港男做咗1秒富翁 經驗網民解釋「天降橫財」原因
網民霸氣囂張回應
雖然樓主引述的銀行職員態度客客氣氣，但回應的網民卻在有恃無恐下盡氣霸氣，留言囂張地揚言「先生，冇8球嘢你唔可以喺呢層出現㗎」。
資料來源：fm_too_raw＠Threads
相關閱讀：存款離奇失蹤？！$12000經銀行存款機入數變無紀錄 港女：收據寫明收妥 苦追7日尋回銀行未解原因 金管局：要求銀行馬上跟進↓↓↓↓
有港女經銀行自助存款機入現金1萬2千元，存款機有發收據，收據「寫明收妥」，「收據有晒戶口號碼、櫃員機編號、收咗幾多現金」，結果事後發現存款失蹤，向銀行查詢竟獲告知「無任何插卡存款紀錄」，而且「所有戶口都無存款紀錄」。
女事主向銀行苦追7日，直至今年5月13日終尋回有關款項，她說，今早查數終於見到涉事銀行「畀翻錢我」，但有關銀行未有解釋存款離奇失蹤多日的原因。
金管局：已要求銀行馬上跟進
金管局發言人回覆《星島頭條》表示，金管局知悉事件，已經要求銀行馬上跟進，確保相關服務運作暢順並妥善處理客戶的查詢及個案。
涉事銀行發言人回覆《星島頭條》表示，本行早前收到個別客戶有關分行存款機的查詢，已即時對個別事件作出跟進。本行定期檢查各自助銀行服務，包括自動櫃員機、現金及支票存款機及現金存款機，確保運作暢順。
存款離奇失蹤！$12000經銀行存款機入數變無紀錄 港女：收據寫明收妥 苦追7日尋回銀行未解原因↓↓↓↓
