港人遊梵蒂岡被指污染聖水 教堂揀聖水逐枝扭開塞手指入樽 目擊者揭還涉兩宗罪：好自私！｜Juicy叮
發佈時間：11:27 2025-06-23 HKT
有港人到意大利梵蒂岡旅行，目睹有一批疑似港人在聖伯多祿大殿揀聖水的缺德行為，不單逐枝扭開，還塞手指入樽，以挑選「最滿」的聖水，目擊者指他們被其他遊客喝止，竟仍拒停手，行為自私：「你（哋）搞到其他聖水unholy（不純潔）囉！」
該批港人在教堂排隊及付款時，還被指涉及兩宗罪，遭質疑「究竟有冇接受過教育」，詳情如下：
港人遊梵蒂岡被指污染聖水 教堂揀聖水逐枝扭開塞手指入樽 目擊者揭還涉兩宗罪：好自私！↓↓↓↓
網紅「梨老師」在港曾任職幼稚園校長，她日前到意大利旅行，在梵蒂岡遇到一批缺德的疑似港人遊客，令她嬲爆在網上發帖作出大控訴。
她表示，到梵蒂岡聖伯多祿大殿的舖頭內選購聖水時，遇到一批行為缺德的疑似香港遊客，她指，該批遊客講廣東話，並將歐羅兌換為港幣，因此很大程度上相信他們是港人。
她表示，該在教堂內的舖頭很細「塞滿人」，而該批港人為選一枝「最完美聖水」及「最fit自己的戒指」，雖同一尺寸戒指亦左選右選，有人更研究「戴左手定右手好」，完全不顧身後有大批遊客排隊等候。
她表示，揀選最合適戒指沒有問題，但當後面遊客禮貌請她們稍為移步時，「呢班香港人就話：咪由佢哋等吓囉，唔使佢哋等啊？甚至乎話佢哋排咗咁耐入嚟，後面嘅人要排得更加耐。」
手指塞聖水樽被揭止拒停手：匿係角落頭繼續試
除了排隊方面的「首宗罪」外，第二宗罪是揀選聖水的離譜行為。她表示，這班港人為研究哪枝聖水「最滿」，竟「係到逐枝逐枝扭開人哋（聖水），伸隻手指入去摸人哋，睇吓邊枝聖水係最多，倒人哋枝聖水出嚟，睇吓邊枝係最滿」。
她指，該港人「倒人哋聖水時」，「（佢）隔籬個Friend仲話：你做得好啊，我啱啱都係咁倒出嚟。」
她表示，其他遊客見到即時喝止，但該批港人仍未有停手，「佢哋係轉個位，匿係角落頭，繼續倒人哋啲聖水。」
目擊者批自私：我唔知佢哋接受啲咩嘢教育
第三宗罪是付款時，教堂表明只收信用卡，不收現金，但該批港人卻堅持要付現金，「佢死都要畀現金，直至到職員頂佢唔順，搶佢張卡嚟嘟。」
「梨老師」全程目擊事件，非常憤怒：「我覺得唔係幾好睇囉，我唔知佢哋接受啲咩嘢教育，而令到佢哋有呢啲行為。」
她批評，偷偷打開聖水，這行為非常自私，亦不尊重別人，「咁樣你都會攪到人哋啲聖水unholy！」
帖文引發熱烈迴響，有網民問「梨老師」何不即場制止：「即刻出聲，同職員講返佢打開咗！」
梨老師留言解釋：「教堂間舖頭實在空間有限，而且入面只有一個職員收緊錢，所有人畀呢一班人塞住咗，行都行唔到......所以係咁嘅情況之下，想搵個職員幫手都冇辦法。」
不少港人留言指這班人「影衰」香港人：「真係唔好影衰晒...要割蓆。」「真係好核突，揀都算，塞隻手指入去人哋個樽度係咩玩法？？？CLS。」「完全覺得佢哋真係好似冇接受過教育咁囉。」
來源：miss_pear_and_her_peers＠Instagram
同場加映：大阪壽喜燒放題店出Po公審港人 港客紙巾做一舉動辣㷫店主：「為什麼港人做得出這種事來？！」↓↓↓↓
