元朗躁漢疑發酒癲深夜當街打女人 摑女伴後高喊：全部攞刀過嚟 網民苦勸：女人要自愛呀｜Juicy叮
發佈時間：11:14 2025-06-15 HKT
元朗一名躁漢前日（13日）凌晨疑發酒癲當街打女人，掌摑女伴後還當眾高喊「全部攞刀過嚟」。網民看不過眼打女人的行為，苦勸女事主：「女人要自愛呀」。詳情見下圖及下文：
元朗躁漢疑發酒癲深夜當街打女人 掌摑女伴後高喊：「全部攞刀過嚟」逐張睇↓↓↓↓
躁男突然發難出手掌摑
樓主前日（13日）在facebook群組「車cam L（香港群組）」上載短片發帖，指「元朗日常1306 0154永順條巷。一轉入去已經見佢攔住前車，發酒癲擾攘咗一陣，以為私怨費事殃及池魚，我就褪車走人。#元朗刀手」。
現場為元朗東堤街和泰利街附近，短片長約30秒，開始時見到戴鴨舌帽的長髮女子跟在躁男身後，當從後走到其身旁並伸手掂到其手臂時，對方突然發難，出手大力掌摑女子。期間躁男怒喝「走啦......」，還邊行邊說「俾我打」；女子捱打後並無反抗，只有靜靜地走遠幾個身位。
躁男接著按手機自言自言「邊X個呀依家？」，最後當眾大喊「全部攞刀過嚟，全部攞刀，全部攞刀」，短片就此結束。
相關閱讀：公屋女保安「揈毛巾」大戰瘋狂外賣員 激戰後外賣仔舉Ｖ自拍：你真係唔好彩遇著我！
網民怒斥躁男：人渣
雖然短片並無交代事件的來龍去脈，但躁男打女人的舉動已足夠讓網民齒冷，排隊怒斥「人渣」、「好恐怖喎」、「打女人正渣男」、「打女人，點講都衰啦」、「食咗太空油（毒品）」、「堂堂男人打女人最Ｘ憎」、「呢啲正一社會垃圾～仲要係打女人嘅廢物」。
有網民則把焦點落於女事主身上，提醒「女人要自愛呀」、「呢啲咁嘅仔跟嚟把Ｘ咩？」，還有人指「個女其實都冇乜用，俾個男人食住上，打完，個女當冇事行開，好犀利」。
有好心地的網民則苦口婆心苦勸長髮女：
•我都話啲女係冇腦㗎啦，佢蠢唔係扮，咁嘅男人你都仲要跟住佢，舐多幾鑊嘢，你就會清醒㗎喇阿女......；
•條女唔知會唔會睇到呢條片同留言，跟返個正常人，有實力嘅人唔會咁様，廢柴先會暴躁，有料嘅人日日公司自動搵緊錢，書都讀得少經已，搞到自己夜嘛嘛連覺都冇得瞓，喺咪白痴，有實力嘅講嘢好斯文客氣低調，精力主要搵錢......。
不過也有網民有另類想法，估計躁男是捱摑女子的「真愛」，因此才願打願捱。
資料來源：甘量宏＠facebook
相關閱讀：阿叔大鬧爭鮮掟錢辱女店員：「同我數夠千五蚊豉油！」惡行惹公憤遭全店食客轟走：影衰香港人↓↓↓↓
網上5月11日晚上瘋傳有阿叔大鬧爭鮮迴轉壽司店，他因不問自取店內豉油被阻，惱羞成怒竟掏出5百元紙幣，掟錢侮辱女店員：「你搞我啊嘛，係咪你搞我啊！......同我數夠千五蚊豉油！」。其囂張行為惹來全店食客公憤，紛紛起哄怒轟該大叔「恰女人」「影衰晒香港人」↓↓↓↓
