港男遊日去廁所𢲷爆頭 奧方 VS 殿方 邊個先係男廁？ 結局大出奇：日本大媽都入錯｜Juicy叮
發佈時間：15:46 2025-06-12 HKT
有港男到日本旅遊，上廁所時在門外見到「奧方」與「殿方」的陌生寫法，即時面臨人生交叉點，不知道那邊才是男廁。經一輪內心掙扎，理性分析後，決定進入「殿方」。
「殿方」內裏果真有男廁專屬的尿兜。可是，正在港男對自己的選擇正確感到滿心歡喜，並暢快方便之際，廁所大門卻打開，闖入了一位日本大媽，現場畫風與氣氛突變......詳情見下圖及下文：
港男遊日去廁所𢲷爆頭 奧方 VS 殿方 邊個先係男廁？逐張睇↓↓↓↓
樓主昨日（11日）在社交平台Threads以「日本廁所」為題發帖，上載相片及短片，並放出長文詳述事件始末：
「話說早排同朋友去日本旅行，叫完嘢食就輪流去廁所啦。點知佢冇寫男女，淨係寫奧方、殿方。朋友去先嘅，佢即時人生交叉點，間舖又少店員又好忙，企咗成分鐘都未有人去廁所，唯有Ｘ估啦。
朋友（ 男 ）係好理性嘅人，Ｘ估都要有證據，佢去完之後返嚟講返佢咁嘅思路又幾搞笑。線索如下：奧係紅色， 常理推斷都估係女。殿下殿下， 殿估計係男人。
佢話，你試吓講「奧」，個嘴成個窿咁，直覺話佢知應該同女人有關多啲，唔好問點解，唔明就黎明。種種因素下佢揀咗去殿方……打開門前都驚，點知裏面有冇女人，有就要改機票。好彩打開門見到尿兜，佢一身輕鬆晒，立即揸揸水（小便）。點知……
就喺男人最放鬆一刻，殿方大門再次被打開，竟然係一個日本阿嬸（講緊日文） 行入嚟！佢話即時停止再Ｘ叔，立即gome gome（公公）咁。但係理性嘅佢突然回過神，望住前面嘅尿兜，一臉疑惑……
故事結局竟然係連個日本阿嬸都唔識睇去錯咗，朋友即刻Ｘ晒老母，呢間餐廳咁傳統寫法又係搞笑嘅」。
相關閱讀：住日本5年回流香港 飽受禮待反愛港式服務？ 港女嫌日本少一點「活人感」 網民：香港係人情味
網民想起陳年日劇《大奧》
片中「奧方」與「殿方」之間，牆上掛了一張畫。說到「奧方」與「殿方」之別，不少網民回應時都想起一套陳年日劇：「有套日劇叫《大奧》，講幕府將軍嘅後宮，so（所以）......」、「我都係諗起《大奧》」、「有冇聽過「大奧」=后宮……」。
另有人指「好多日本溫泉都係咁樣寫去分男女浴場」，還有人教路「攞個電話出嚟翻譯就得啦」。結果，有網民找來了網上的說法（見下圖）：
資料來源：watashiwachiu＠Threads
相關閱讀：港女日本浸溫泉險死入急症室8小時 溫泉水撥面發腫流膿 事主揭病因：真係以為就嚟釘！↓↓↓↓
有留學日本的港女在當地浸溫泉，將泉水撥面，面部即時發紅，其後竟再發腫流膿，她即往日本急症室求醫，首次經歷8小時日本急症初體驗，最終發現病因，她坦言：「真係以為自己就嚟釘！」
女事主這次是到日本三大溫泉之一「有馬溫泉」浸溫泉，帖文引發網民熱議，她自述浸溫泉出事的細節經過如下↓↓↓↓
