臨老陪子女移民日日望天花板 移英港人驚覺父母頓變沉默 網民：為咩呢？好心帶佢哋返香港｜Juicy叮

有為人父母的臨老陪子女移民英國，卻因為人生路不熟而日日留家望天花板，生活失色。一名移英港人近日發文，指驚覺父母在移民後變得沉默——「移咗英國之後，發現最難適應的，唔係天氣，唔係文化，係爸爸媽媽的沉默」。

面對這一聲沉默的巨響，有回應的網民反問樓主：「為咩呢？」、「好心帶佢哋返香港」。詳情見下圖及下文：

臨老陪子女移民日日望天花板 移英港人驚覺父母頓變沉默逐張睇↓↓↓↓

樓主：父母連超市都唔敢一個人行

樓主早前在社交平台Threads以「英國生活」為題，發長文講述父母隨同移英後的生活實況：

「移咗英國之後，發現最難適應的，唔係天氣，唔係文化，係爸爸媽媽的沉默。

喺香港佢哋成日話：『返工啦，唔好嘥時間』。而家嚟到英國，明明有晒時間，但每日都喺屋企坐住望天花，連超市都唔敢一個人行。唔識英文、唔識搭巴士、睇唔明信件、唔敢睇醫生。

平時最精靈嗰個，變得細聲講嘢，唔敢麻煩人。你同佢講：『英國咁舒服呀，慢活生活呀！』，但佢喺心入面淨係問緊：『我喺度做咩？」

移民，對後生仔係冒險，對老人家可能係告別熟悉的一切。佢哋冇朋友、冇社群、冇自信，甚至唔敢講出口自己其實好唔開心。

所以，如果你有父母一齊嚟，記住：陪佢行多幾次Tesco（超市），教佢點樣喺GP（General Practitioner，普通科醫生）登記，唔好嫌佢問多句，唔好當佢咩都唔識。因為你嚟緊係新生活，但佢哋，可能係重新學習點樣生活」。

相關閱讀：港媽移英2年半苦況大哭訴 難處逐樣數狂飆淚：「越了解呢到 越唔鍾意！」

網民看不過眼：好容易抑鬱

有回應的網民看不過眼，希望樓主父母的這聲沉默的巨響，能把為人子女的敲醒：

•只看到不孝；
•叫佢哋返香港住；
•好心你哋帶佢哋返香港喇；
•所以我好佩服自願過嚟嘅老友記；
•對於移民嘅長者來說，真係好容易抑鬱；
•如果自願移還好，為咗後生而走，真係一世兒女債；
•睇到嘅嘢，佢哋萬分嘅不開心，為咗你自己自我感動嘅慢生活，為咩呢？
•其實，兩老可以在香港生活，都幾十歲了，沒必要困坐愁城，好好享受餘下光陰；
•熟悉周圍先可以慢活，陌生地方只會感到不安，何來慢活。父母為咗你放棄熟悉嘅香港係自私，反而為父母留喺香港先最值得尊重；
•只覺得難為父母，如果父母發至內心接受新環境，相信唔會咁樣，但睇到樓主咁講，只看到父母因為愛惜子女唯有跟隨移民，是否開心、是否適應、是否習慣……
•臨老先嚟移民，沒有了認識幾十年的親朋好友！也沒有落街就可同街坊傾偈的樂趣等等，叫兩老何來適應……爸媽變得沉默就知道佢哋有幾鍾意呢個新地方！（ps（補充）：移得民一定有你的理由）

另一網民也發長文「講真心話」：「我和外子在英個謀生已55年， 退休已13年了， 仍然不喜歡英國生活，無奈已習慣了，不過， 思鄉之情仍在；但以往日忙著工作和照顧子女們， 不覺得時間難過！

但對老人家而言，強迫他／她們與子女們移民外國，簡直是虐侍，天天對著四面牆，無人聊天，無香港美食，無得與街坊老朋友行街飲茶等等等……

皆因言語不通，要在一大把年紀重頭開始再學新事物，是何等辛苦？ 我有實例在此，我的奶奶在45歲來英給大兒子照顧兒女，一直至1997年往生，期間，天天在家像坐牢一樣，除了偶然其他子女來探望，或哥哥間中帶她外出飲茶之外，從不自己出門半步！

總括來說： 我的心聲，後生的一輩，請做做好心，積善積德，善待老人（父母親），讓他／她選擇自己的後半餘生，歡樂善終在自己的出生地吧」。

有網民按性格分析

另有網民按性格去分析，指「睇老人家係i（內向）定e（外向）」；有人則「覺得唔關i or（或） e事，而係EQ（情緒智慧商數），就算有最好嗰餐喺你面前，如果你個人諗嘢負面，都只係會諗，唉⋯⋯食埋呢餐下次都唔知幾時再有好嘢食！相反，如果你個人諗嘢正面，你就會諗！好開心呀！今日食咗餐好嘅！ 期待下一次！」。

相關閱讀：移英港人呻傾偈就住就住 與留港摯友漸行漸遠 怕被誤會講呢啲......

有老友記相當適應新生活

因此，也有家庭的情況與樓主的相反，指家中老友記倒也相當適應當地的新生活：

•睇地區啦，我呢區長者好活躍，成日自己一班人坐車四處去；

•好視乎長老係咪自願嚟。我媽識英文識揸車，係被移民嗰類，行得走得當拎個fast pass（快速通行）睇孫，而家變咗Costco（超市）達人，每年返HK（香港）見朋友。如果長老真係好唔適應，都無得逼佢留低㗎啦。

•我老竇都唔知幾開心！幾十年來學咗嘅英文終於用得著！chur（急著）住同人講嘢！無論係咩年紀，最緊要係佢哋心態！好似我老竇咁，覺得咁樣都唔知幾新鮮，自己去完一轉銀行，直頭技能解鎖，同香港啲朋友炫耀幾耐。

•我父母70幾歲，唔識英文，又冇車牌。我就教佢哋搭車去市中心，嗰度有酒樓有街市，都有香港人同佢哋打牙骹。起初我都會車佢哋去唔同地方，但係發覺咁樣佢哋會好被動，教佢哋自己搭車唔係唔想車佢哋，而係等佢哋可以有自己的生活。如果要睇醫生，可以要求有廣東話翻譯。

•大家都係被迫成長。我父母唔識揸車，唔識英文，但佢哋可以自己坐巴士，去游水，去超市，雖然都係係town到遊走，但比係屋企強得多。我有print（打印）定屋企地圖俾佢，又會寫定啲基本問題俾佢，再唔係就打俾我。當然睇醫生呢啲都係要靠我啦，但我覺得佢哋都生活得唔錯。

•父母一定係難適應㗎喇，好視乎佢地自己本身有幾想移民。我媽咪係我地全家之中最想移民嗰個，所以唔會有咁多怨言，但我爸爸係最唔想移民嗰個，所以最初移民嗰一年真係成日放負同好多情緒，成日會鬧大交。體諒係最基本，幫助佢哋都係盡力，但最後都係靠佢哋自己調節心態，因為一家人齊上齊落，係唔應該埋怨任何一方的。佢哋適應緊時，我哋都適應緊，大家應該互相體諒，因為大家都各有犧牲的。

資料來源：ale_channelhk＠Threads

相關閱讀：向銀行借數百萬移英永不回港還錢 涉事港男現身否認詐騙：「是我自己把握機會！」 網民斥歪理籲舉報↓↓↓↓

有港男移民英國前向本港銀行借款數百萬元，他聲稱因為永遠不會返回香港，因此不會還錢，明目張膽賴帳的言行令人側目，他在個人社交平台公開表示其香港戶口因賴帳已被凍結，但否認詐騙：「講真我唔覺得有問題。」「是我自己把握機會、作出的選擇。」「銀行本身係要承受呢啲風險。」

涉事的移英港男目前住在曼城，已移英近3年，有網民起底事主指其在港，曾為一名會計師。他在個人社交帳戶，有分享一些移英生活點滴，並附有自拍照。

涉事港男的言論被網民狠批歪理，紛紛呼籲向有關當局舉報，有曾任職英國銀行界的網民指出，英國銀行亦會調查開戶人士背景、個人信貸評級等資料，事主在港賴帳隨時影響在英國開戶等財務安排，而本港銀行亦可越洋追債↓↓↓↓