临老陪子女移民日日望天花板 移英港人惊觉父母顿变沉默 网民：为咩呢？好心带佢哋返香港｜Juicy叮

有为人父母的临老陪子女移民英国，却因为人生路不熟而日日留家望天花板，生活失色。一名移英港人近日发文，指惊觉父母在移民后变得沉默——「移咗英国之后，发现最难适应的，唔系天气，唔系文化，系爸爸妈妈的沉默」。

面对这一声沉默的巨响，有回应的网民反问楼主：「为咩呢？」、「好心带佢哋返香港」。详情见下图及下文：

临老陪子女移民日日望天花板 移英港人惊觉父母顿变沉默逐张睇↓↓↓↓

楼主：父母连超市都唔敢一个人行

楼主早前在社交平台Threads以「英国生活」为题，发长文讲述父母随同移英后的生活实况：

「移咗英国之后，发现最难适应的，唔系天气，唔系文化，系爸爸妈妈的沉默。

喺香港佢哋成日话：『返工啦，唔好嘥时间』。而家嚟到英国，明明有晒时间，但每日都喺屋企坐住望天花，连超市都唔敢一个人行。唔识英文、唔识搭巴士、睇唔明信件、唔敢睇医生。

平时最精灵𠮶个，变得细声讲嘢，唔敢麻烦人。你同佢讲：『英国咁舒服呀，慢活生活呀！』，但佢喺心入面净系问紧：『我喺度做咩？」

移民，对后生仔系冒险，对老人家可能系告别熟悉的一切。佢哋冇朋友、冇社群、冇自信，甚至唔敢讲出口自己其实好唔开心。

所以，如果你有父母一齐嚟，记住：陪佢行多几次Tesco（超市），教佢点样喺GP（General Practitioner，普通科医生）登记，唔好嫌佢问多句，唔好当佢咩都唔识。因为你嚟紧系新生活，但佢哋，可能系重新学习点样生活」。

相关阅读：港妈移英2年半苦况大哭诉 难处逐样数狂飙泪：「越了解呢到 越唔钟意！」

网民看不过眼：好容易抑郁

有回应的网民看不过眼，希望楼主父母的这声沉默的巨响，能把为人子女的敲醒：

•只看到不孝；
•叫佢哋返香港住；
•好心你哋带佢哋返香港喇；
•所以我好佩服自愿过嚟嘅老友记；
•对于移民嘅长者来说，真系好容易抑郁；
•如果自愿移还好，为咗后生而走，真系一世儿女债；
•睇到嘅嘢，佢哋万分嘅不开心，为咗你自己自我感动嘅慢生活，为咩呢？
•其实，两老可以在香港生活，都几十岁了，没必要困坐愁城，好好享受余下光阴；
•熟悉周围先可以慢活，陌生地方只会感到不安，何来慢活。父母为咗你放弃熟悉嘅香港系自私，反而为父母留喺香港先最值得尊重；
•只觉得难为父母，如果父母发至内心接受新环境，相信唔会咁样，但睇到楼主咁讲，只看到父母因为爱惜子女唯有跟随移民，是否开心、是否适应、是否习惯……
•临老先嚟移民，没有了认识几十年的亲朋好友！也没有落街就可同街坊倾偈的乐趣等等，叫两老何来适应……爸妈变得沉默就知道佢哋有几钟意呢个新地方！（ps（补充）：移得民一定有你的理由）

另一网民也发长文「讲真心话」：「我和外子在英个谋生已55年， 退休已13年了， 仍然不喜欢英国生活，无奈已习惯了，不过， 思乡之情仍在；但以往日忙著工作和照顾子女们， 不觉得时间难过！

但对老人家而言，强迫他／她们与子女们移民外国，简直是虐侍，天天对著四面墙，无人聊天，无香港美食，无得与街坊老朋友行街饮茶等等等……

皆因言语不通，要在一大把年纪重头开始再学新事物，是何等辛苦？ 我有实例在此，我的奶奶在45岁来英给大儿子照顾儿女，一直至1997年往生，期间，天天在家像坐牢一样，除了偶然其他子女来探望，或哥哥间中带她外出饮茶之外，从不自己出门半步！

总括来说： 我的心声，后生的一辈，请做做好心，积善积德，善待老人（父母亲），让他／她选择自己的后半余生，欢乐善终在自己的出生地吧」。

有网民按性格分析

另有网民按性格去分析，指「睇老人家系i（内向）定e（外向）」；有人则「觉得唔关i or（或） e事，而系EQ（情绪智慧商数），就算有最好𠮶餐喺你面前，如果你个人谂嘢负面，都只系会谂，唉⋯⋯食埋呢餐下次都唔知几时再有好嘢食！相反，如果你个人谂嘢正面，你就会谂！好开心呀！今日食咗餐好嘅！ 期待下一次！」。

相关阅读：移英港人呻倾偈就住就住 与留港挚友渐行渐远 怕被误会讲呢啲......

有老友记相当适应新生活

因此，也有家庭的情况与楼主的相反，指家中老友记倒也相当适应当地的新生活：

•睇地区啦，我呢区长者好活跃，成日自己一班人坐车四处去；

•好视乎长老系咪自愿嚟。我妈识英文识揸车，系被移民𠮶类，行得走得当拎个fast pass（快速通行）睇孙，而家变咗Costco（超市）达人，每年返HK（香港）见朋友。如果长老真系好唔适应，都无得逼佢留低㗎啦。

•我老窦都唔知几开心！几十年来学咗嘅英文终于用得著！chur（急著）住同人讲嘢！无论系咩年纪，最紧要系佢哋心态！好似我老窦咁，觉得咁样都唔知几新鲜，自己去完一转银行，直头技能解锁，同香港啲朋友炫耀几耐。

•我父母70几岁，唔识英文，又冇车牌。我就教佢哋搭车去市中心，𠮶度有酒楼有街市，都有香港人同佢哋打牙骹。起初我都会车佢哋去唔同地方，但系发觉咁样佢哋会好被动，教佢哋自己搭车唔系唔想车佢哋，而系等佢哋可以有自己的生活。如果要睇医生，可以要求有广东话翻译。

•大家都系被迫成长。我父母唔识揸车，唔识英文，但佢哋可以自己坐巴士，去游水，去超市，虽然都系系town到游走，但比系屋企强得多。我有print（打印）定屋企地图俾佢，又会写定啲基本问题俾佢，再唔系就打俾我。当然睇医生呢啲都系要靠我啦，但我觉得佢哋都生活得唔错。

•父母一定系难适应㗎喇，好视乎佢地自己本身有几想移民。我妈咪系我地全家之中最想移民𠮶个，所以唔会有咁多怨言，但我爸爸系最唔想移民𠮶个，所以最初移民𠮶一年真系成日放负同好多情绪，成日会闹大交。体谅系最基本，帮助佢哋都系尽力，但最后都系靠佢哋自己调节心态，因为一家人齐上齐落，系唔应该埋怨任何一方的。佢哋适应紧时，我哋都适应紧，大家应该互相体谅，因为大家都各有牺牲的。

资料来源：ale_channelhk＠Threads

相关阅读：向银行借数百万移英永不回港还钱 涉事港男现身否认诈骗：「是我自己把握机会！」 网民斥歪理吁举报↓↓↓↓

有港男移民英国前向本港银行借款数百万元，他声称因为永远不会返回香港，因此不会还钱，明目张胆赖帐的言行令人侧目，他在个人社交平台公开表示其香港户口因赖帐已被冻结，但否认诈骗：「讲真我唔觉得有问题。」「是我自己把握机会、作出的选择。」「银行本身系要承受呢啲风险。」

涉事的移英港男目前住在曼城，已移英近3年，有网民起底事主指其在港，曾为一名会计师。他在个人社交帐户，有分享一些移英生活点滴，并附有自拍照。

涉事港男的言论被网民狠批歪理，纷纷呼吁向有关当局举报，有曾任职英国银行界的网民指出，英国银行亦会调查开户人士背景、个人信贷评级等资料，事主在港赖帐随时影响在英国开户等财务安排，而本港银行亦可越洋追债↓↓↓↓