參加小朋友生日會後被追數$1140 港媽舉家出席兼送1千蚊賀禮：事後對方家長竟要求收費！｜Juicy叮
發佈時間：17:11 2025-05-28 HKT
有港媽在社交平台發帖大控訴，指舉家出席子女同學的生日會，她帶同一千元的禮物及利是到賀，結果事後竟被「追數」，對方家長私訊她要求為該生日會「夾錢」，她們「兩大一小」被要求收費1140元。
事件成為網上熱話，港媽坦言對方「會唔會太Kam」，不少網民認為對方家長要求過份：「大癲，點解要我夾錢，幫你小朋友搞生日會？」
參加小朋友生日會後被追數$1140 港媽舉家出席兼送1千蚊賀禮：事後對方家長竟要求收費！↓↓↓↓
該位港媽本周一（26日）在社交平台Threads發帖表示：「參加小朋友同學仔生日會，事後畀對方家長要求收費，會唔會太Kam。」
她們兩夫妻帶同小朋友，即一家三口出席，她表示有買禮物和封利是，總共大約1千元。港媽公開私訊截圖顯示，翌日對方家長聯絡她，該家長在私訊說：「Hello尋日生日（會），一人$380，你哋2大1小(合共)$1140，可FPS/PayMe我。」
事主：已經唔係第一次遇到呢啲人
涉事港媽表示「其實已經唔係第一次遇到呢啲人，之後試過幫fd求婚，要夾返party room + 食物酒水錢」，另外，她又試過朋友結婚「做姊妹」，要「自費早(坐)的士、化妝set頭」。
她說自己「每次都好廢冇say no，因為見每個人都肯畀，會諗其實係咪自己太計較」。
網民：一開始唔講？呢啲人遠離好啲！
帖文引發熱烈迴響，不少網民批評對方家長事前無聲明，在出席後要求「夾錢」並不合理：「吓...咁都得。」「一開始唔講？參加生日會要畀錢，歌迷會嗎？」「你都已經好大方畀成千禮物同利是，食乜嘢要成$400 per head？」
有網民建議樓主直接拒絕：「直接拒絕佢同佢講：你之前冇講過要收錢，我亦都已經買咗禮物封咗利是畀你小朋友，我從來未去過一個小朋友生日會係要夾錢嘅......」
有網民則建議最多補差價，即付140元：「答佢：好呀，我都預咗每人要夾返錢，所以一早咗幾百蚊落利是度，我依家補埋個尾數畀你呀。」「過番$140，然後block咗佢。」「呢啲人遠離好啲！」
帖文短時間內吸引逾千名網民熱議，樓主其後突刪除有關帖文，未知最後如何回應對方家長付款要求。
同場加映：「老公生日快樂」蛋榚離奇棄垃圾桶旁 網民：呢個造型出事↓↓↓↓
