回南天極潮濕！這品牌「古董級」抽濕機獲讚襟用 港人用足20年：真係世一！
更新時間：14:36 2026-03-03 HKT
發佈時間：14:36 2026-03-03 HKT
發佈時間：14:36 2026-03-03 HKT
字體大小
回南天期間，家居潮濕問題嚴重，不少市民都會利用抽濕機，維持空間乾爽舒適。近日，有網民在社交平台大讚一日本品牌的抽濕機耐用，購入後使用超過20年，至今仍然運作暢順，「仍然好抽得」，吸引不少用家表示深有同感，紛紛感嘆此品牌的出品「真係堅」、「呢部真係好嘢嚟」！
回南天極潮濕！這品牌「古董級」抽濕機獲讚襟用：真係世一
天氣潮濕，不少人都會打開抽濕機降低室內濕度，甚至用作抽乾衣物水份，加快乾衣速度。最近，有網民在社交平台發文，表示家中的日本製三菱電機抽濕機已使用20年，在回南天極潮濕的日子，這部「古董級」機品仍然表現出色，形容「真係世一」，又稱唯一老化的零件，就是抽濕機頂部的LCD液晶顯示屏幕變黑，感嘆「用咗二十年，仍然好抽得」。
網民共鳴：呢部真係好嘢嚟！
帖文一出，隨即引起大批網民共鳴，不少人表示與樓主一樣使用同款產品超過15年，認同其確實是非常耐用，甚至經歷多年高強度運作仍可使用，「三菱真係堅，又係差唔多用咗廿年」、「同款，都差不多15年仲用緊」、「我都係用呢部用左20年有多，年終無休架，驚安全問題所以上年被退役喇，呢部真係好嘢嚟」。
有用家則表示使用同款產品超過10年，尤其欣賞品牌抽濕機擁有一大特點，「我都係用呢部，2014年5月買，用到而家，仲要係一年365日，晚晚都開。三菱抽濕機有樣特別好過其他牌子嘅，係佢自動恒濕模式，當抽濕抽到指定濕度時，個風扇會自動停，但其他牌子只係個壓縮機停，風會繼續吹，嘥電好多。」
此外，有其他網民提到購入多年的日本品牌電器同樣耐用，「呢部幼稚園睇到大都用到，3x年日立出既抽濕機超耐用……」、「我媽個東芝雪櫃1982年至今依然良好」、「National都好癲，我屋企嗰部用左三十年」。
來源：Threads
同場加映：抽濕機推介｜消委會評測10大高分型號+LIHKG連登推薦品牌！Panasonic/LG/開利/三菱抽濕能力+慳電大比拼
最Hit
港鐵站時裝店清貨減價現搶購人潮 港人好奇「點解開到咁多年？」 網民拆解1原因屹立20年不倒
2026-03-02 16:18 HKT
WeChat Pay HK成首家「跨境支付通」電子錢包 7x24轉賬內地免手續費
2026-03-02 15:28 HKT
太古城40年老字號酒家翰騰閣結業！為同名品牌最後分店 街坊：好多人排隊 美心旗下品牌接手
2026-03-02 12:17 HKT
