小童港鐵「海濱站」玩門被阻爆怒 掟物狂吼惡過大人：「我打死你呀！」父母竟咁反應...｜Juicy叮
發佈時間：14:11 2023-12-26
港鐵在灣仔海濱，展示退役「烏蠅頭」列車的「海濱站」，早前發生家長因小童玩門起衝突，昨日（25日）聖誕節再次重演。
今次，兒子疑玩門的父母，與勸阻市民互罵時，最觸目的是，其年幼兒子竟爆怒擲物狂吼，加入罵戰，惡過大人，行為令人側目。
「我打死你呀！我照玩（門）！」
惡童對著勸阻市民，嘶叫喪嗌：「我打死你呀！我照玩（門）！」正與人對罵的父母，見兒子「跳掣」爆怒，竟作出以下反應：
小童港鐵「海濱站」玩門被阻爆怒 掟物狂吼 父母咁反應↓↓↓↓
事發在昨日（25日）聖誕節下午約5時50分，目擊事件的網民，於「香港鐵路動態追蹤組HKRG」FB專頁，上載約1分鐘實拍影片。
當時一名中年男子，相信因勸阻小童玩門，而與小童父親發生激烈衝突。
多名在旁市民怒力做「和事佬」，分隔雙方，有市民勸交表示：「大家都係香港人！」「帶小朋友出嚟玩啫，唔好勞氣！唔好勞氣！」
小童父：「係玩門呀 咁又點Ｘ樣呀！」
小童父親初被勸開，但突又折返，用粗口辱罵該中年男子：「Ｘ你老Ｘ，係玩門呀，咁又點Ｘ樣呀！」
小童母親再加入指罵：「呢到又唔係真嘅地鐵，呢到攞嚟畀人參觀嘅嘛。」之後，疑涉事小童暴跳如雷，在母親面前，兩次掟物怒罵干預的中年男子，有網民形容，小童的兇惡程度，可能較父母為甚，詳見上列圖輯。
網民：唔好大教壞細
小童在事件中加入罵戰，惡形惡相的表現，引發不少網民熱議。
「個小朋友仲惡過啲大人。」「有咁嘅家長就有咁嘅細路。」「在小朋友面前是否收點氣，這個小朋友長大之後會怎樣。」
「怪獸家長點教小朋友。」「唔好大教壞細。」「恐怖的下一代。」「你睇到個小朋友，就睇得出去有冇家教囉！屋企人咁樣教佢？？」
港鐵「海濱站」設置於灣仔水上運動及康樂主題區，在上周四（21日）開幕，「海濱站」展示兩卡已退役的「烏蠅頭」列車（東鐵綫列車），列車滿載港人回憶，聖誕節假期，吸引不少人到場打卡。
相關熱話：
退役「烏蠅頭」上爆罵戰 青年轟：唔教仔就要搵人教 大媽竟挑釁：除褲吖
同場加映：黃大仙兩老爆罵侍應食客 疑等位太耐嬲爆 孫仔「一舉動」盡晒家教↓↓↓↓
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
