港爸60歲退休再就業困難！遭月入$4萬兒子1句傷透心？網民安慰：佢搞掂自己已經好好
發佈時間：16:39 2026-09-02 HKT
在人口高齡化的香港，不少銀髮族在達到傳統退休年齡後仍希望重投勞動市場，卻往往面臨求職困難的壓力。近日，有60歲港人在社交平台發文，稱退休後求職無門，只能隨遇而安，「搵到就做，搵唔到就要停」。不過，當他向兒子分享時，卻遭到對方一句回應而感到傷心，「個心真係哽住哽住」，事件隨即在社交平台掀起討論，有同齡網民表示可以理解，坦言「靠子女不如靠自己」，亦有網民安慰：「佢搞掂自己已經好好！」
港爸60歲退休嘆再就業困難！遭月入$4萬兒子1句傷透心？
事主在社交平台發文，透露自己「做到份工60歲要退休」，在休息三個月後，原本希望能再找一份輕鬆一點的工作，然而重投職場的過程不容易，感嘆「人人一見到你60歲都唔會考慮」，無奈之下唯有抱持「隨遇而安」的心態。其後，事主與兒子分享求職困難時，指自己「搵到就做，搵唔到就要停」，惟兒子聽後卻表示「你唔好唔搵嘢做啊，我養你唔起㗎」。
事主透露兒子目前25歲，每月收入約$4萬，但因已搬出外住，明白其自身亦有經濟負擔。事主雖然體諒兒子的難處，但仍坦言「嗰一下真係好傷心」，直言「個心真係哽住哽住」。
網民安慰：佢搞掂自己已經好好
帖文公開後，隨即引起網民討論，有不少已為人父母的網民深表同情，紛紛留言安慰：「明白樓主，唔係真係要仔養，聽倒咁講係會唔舒服嘅」、「樓主都無話要仔養，只係覺得個仔一嚟就落閘好失望啫」，亦有同齡網民感慨「養育子女係我們做父母的責任……靠子女不如靠自己，加油啊」。
與此同時，有網民由年輕一代的現實生活成本分析，稱月入$4萬在香港扣除租樓或供樓開支後只是「啱啱好夠生活」，直言「唔知啱唔啱聽，現實係呀仔都有自己人生，你仲做到就繼續做啦，老實講搵四萬要養多個真係爭啲」。有網民更批評「養兒防老」觀念已過時，勸喻事主「唔好情緒勒索啲仔女」。
同時，有網民以「逆向思維」開解事主，指出兒子能夠自立搬離家中、不成為「啃老族」，「比氹你然後又等你養實際得多啦，唔駛心酸難過」，又建議事主可向僱員再培訓局（ERB）了解銀髮族就業支援課程，祝願他能盡早找到心水工作。
來源：Threads
文：LW
同場加映：香港長者「反差萌」熱爆！愛食雪糕+約交收玩具 啟發港漂：年齡不為人生設限
