健身潮流摧毀舊式飲茶文化？大型Gym相繼接手酒樓鋪位引議 網民反駁：相關不等於因果……
發佈時間：12:30 2026-08-29 HKT
近年香港餐飲業面臨結業潮，近日有傳媒報導，位於旺角荷李活中心的酒樓在今年7月結業後，有24小時健身房品牌在僅約兩星期後承租原址，改建為面積超2.2萬呎的旺角旗艦店。這一事件引發廣泛關注，更有網民憂心傳統飲茶文化正面臨威脅，以「你們會否覺得健身文化正在摧毀舊式飲茶文化？」為題發文討論，引起網絡熱議 。
健身摧毀舊式飲茶文化？大型Gym接手酒樓鋪位引熱議
事緣，有網民在社交平台上分享個人觀察，指出近期有24小時健身房品牌接手舊酒樓鋪位。他續解釋，由於這類鋪位具備「面積大、樓底高、月租較以往酒樓大幅回落，且社區人口密集」等優勢，能有效滿足健身業對極大空間與穩定客源的需求。
樓主又提到，疫情後市民對健身文化熱衷，尤其是有一定經濟能力的年輕中產，而大型中式茶樓則因「北上熱潮、人口老年化等一藍子原因」接連結業，加上他認為經常前往健身房的群眾多數不會選擇去茶樓飲茶，因為「他們總會覺得傳統飲茶文化所食的，也是三高的食物」。他認為這種飲食習慣與生活方式的轉變，正加速傳統飲茶文化的消逝。
網民反駁：相關不等於因果……
帖文引起網絡熱議，然而大部份網民並不認同樓主觀點，認為是「因果錯配」：「酒樓自己做唔住，健身室接手。點解可以因果錯配講成係健身室健身摧毀左飲茶文化？本身商舖就係會隨住市場需求而改變，飲茶文化變弱係因為現代更追求健康，就算唔係健身，普通想減下肥管理身材既人都會選擇更健康既食物。所以個舖頭做唔住，就算唔係轉讓比健身室，都會比任何其他行業取代，根本就唔關健身文化事」、「將兩樣冇關係嘅野夾硬拉埋一齊」、「茶樓生存唔到先留低咗個空間俾健身室，而唔係健身室令茶樓生存唔到。」更有人舉例：「有人鍾意食橙，所以無人買蘋果？」
有不少人則討論「摧毁酒樓文化」的主因：「摧毁酒樓文化嘅酒樓品質，點心師傅越嚟越少，酒樓點心舖又越嚟越多。預制點心賣高價而品質又千篇一律地頹」、「摧毁飲茶文化係每一刻都想賺到盡嘅地產霸權，茶樓一盅兩件都唔係平，背後就係每一年都加緊嘅租金壓力。」
有人指出現時社會的確更多人注重健康：「注重健康都係主因，飲茶太多肥膩嘢」、「飲茶又油又肥，而且標籤係老野先飲茶。依家係現代人注重健康飲食下必然既產物。」不過亦有人反駁：「如果健身嘅人會因健康問題少去茶樓。咁香港啲廢水鋪頭都應該一樣先啱啦！」
來源：Threads
延伸閱讀：Five Guys出「天價兒童餐」！40年首推竟索價$80？無玩具貴同行快餐4倍 網民看淡：交智商稅
