港人僅餘$323問「如何生存到9月1日」？AI分析每日飯錢僅$23 網民齊教慳錢大法：大家好有愛！

更新時間：15:45 2026-08-27 HKT
發佈時間：15:45 2026-08-27 HKT

香港生活成本高昂，不少港人每日都要為此奔波勞碌，有人更戲謔在香港「生存」都有難度！日前，有港人於社交平台發文，稱「糧尾」僅餘$323，於是向AI查詢「如何生存到9月1日」。據AI分析指，除去交通費，樓主每日可用的飯錢僅$23，讓他無奈坦言「撐得住嘅」。帖文一出，有不少網民紛紛留言分享各自的慳錢大法，令樓主深受感動：「大家好有愛！」詳情即看下文！

港人僅餘$323問「如何生存到9月1日」？AI分析每日飯錢僅$23

有港人日前於Threads發文，笑言「其實AI真係好X勁，教埋你點生存」，稱現時僅餘$323，遂向AI查問：「如何存活到9月1號出糧」，當中涉及由粉嶺到尖沙咀上班的交通費，以及一日三餐都需「在外解決」。

據AI分析指，由8月25日至9月1日，假設需上班6天，加上要應付往返粉嶺及尖沙咀的車費，形容「絕對是一場極限生存挑戰」，故需車費及飲食支出「壓到最低」。經AI推算，由粉嶺往返尖沙咀單程車費約$14.9至$15.5左右，來回約$30至$31，以6天計劃，車費支出為$185。換句話說，樓主僅餘$185元「飯錢」，以每天三餐計算，每餐預算為$23。面對分析結果，樓主表示「真係唔該晒」，又認為自己可以捱得住，「撐得住嘅，冇嘢嘅」。

網民齊教慳錢大法樓主深受感動：香港人好有愛

帖文一出，隨即引來不少網民留言，分享節省用餐成本的方法，有人鼓勵樓主「自煮」，「馬死落地行就係要帶飯，每一餐食三個印尼撈麵+一隻雞蛋$7，三餐= $21」、「每朝食兩塊麵包 $3，中午就帶米粉焗$2」、「留意下m記yuu嗰類有分儲嘅app，啲分可以redeem（兌換）嘢」、「買雞蛋然後烚幾隻都可以當其中一餐」。有網民則分享如何降低車費支出，「尖東可以啪八達通特惠站平2蚊搭地鐵」、「以後出糧買左（港鐵）月票先」。對於網民傾囊相授的慳錢大法，樓主表示深受感動，「都係俾意見、鼓勵支持，冇踩多腳奚落我，香港人好有愛，謝謝」。

文：TF

資料及圖片來源：Threads