銀行排隊「攻略」？港人呻輪候逾句鐘極痛苦 做1事易被當「插隊」 網民建議：用App攞籌
更新時間：14:55 2026-08-19 HKT
發佈時間：14:55 2026-08-19 HKT
發佈時間：14:55 2026-08-19 HKT
字體大小
前往銀行分行辦理實體業務，往往需要花費大量時間輪候。近日，有港人在網上大吐苦水，指在銀行排隊動輒需要站立逾1小時，感到相當痛苦。事主除了分享排隊心得，又提醒大家切勿中途離隊，以免被視為「插隊」，並建議所有銀行增設實體派籌機，引起網民對銀行輪候安排及電子化服務的討論。
銀行排隊「攻略」？港人呻輪候逾句鐘極痛苦 做1事易被當「插隊」
有網民大呻在銀行櫃位辦理業務的輪候時間過長，一旦遇到人流高峰期往往有機會要「企個幾鐘」（《紙之月》劇照）
近日，有港人在社交平台發文分享「銀行排隊攻略」，指出由於櫃位職員處理每單交易難免都需要時間，一旦遇到人流高峰期往往有機會要「企個幾鐘」，令其無奈大嘆：「企咗好耐……仲要等幾耐」。
他又指，到銀行排隊前可以先看清楚周邊環境與設施，一旦開始排隊就「唔好離開」。事主解釋，即使中途離開後獲「後面嗰位同意」返回原位，亦不代表該位置「後面嗰堆人同意」，直指這種行為或會被認為是「插隊」，期望所有銀行增設「派籌機」，讓顧客無需一直站立排隊，「搵地方坐住等/行開一陣再返嚟」。
網民建議：而家可以用App攞籌
帖文公開後，有網民坦言留言為了避開排隊人潮與麻煩，對於前往銀行的態度是「有得去揀唔去都唔去」，偏向使用網上理財。不過，有網民提醒目前有部分銀行服務其實已經電子化，而且可以經應用程式取籌，並隨時查看輪候狀況，「而家銀行唔係禁飛仔等叫號碼咩？」、「可以用app攞籌」。
翻查資料，目前部分香港銀行提供手機App或網上預先取籌服務，包括恒生銀行、匯豐銀行、渣打銀行、中銀香港及交通銀行等，市民可於前往分行前預先領取輪候號碼，並實時查看排隊狀況。
來源：Threads
文：LW
同場加映：菜鳥自提點取件新安排！掃碼亮燈免搵件 網民憂易生亂＋難倒長者：已經試過幾次俾人拎錯件
