港人分享10大終極慳錢真理！勿試貴價品免「返唔到轉頭」？網民建議1方法最慳錢：可以慳10皮

更新時間：16:46 2025-11-18 HKT
發佈時間：16:46 2025-11-18 HKT

香港物價高漲，收入追不上支出，部分打工仔只能成為「月光族」，儲錢更是難上加難。近日，有網民在社交平台分享終極慳錢真理，舉出10大例子提醒勿追求貴價或優質服務，以免日後「返唔到轉頭」。帖文引起網民熱議，有網民認同指「講到底其實都係個人選擇」；也有網民建議1方法最慳錢，「唔去可以慳10皮。」即看下文了解詳情。

港人分享10大終極慳錢真理！勿追求貴價品免「返唔到轉頭」

近日，有網民在Threads上以「終極慳錢方法：唔好試貴嘢」為題發文，並列出10個「一旦試過就返唔到轉頭」的例子，提醒大家千萬不要輕易嘗試任何貴價品及服務，否則之後用回平價貨只會覺得「好慘」。樓主舉出的例子包括：

「覺得佳寶（連鎖食品零售批發商）肥牛都好好食，直到食咗A5和牛」
「覺得康文署（健身室）都好夠做，直到join咗247（全日開放健身房）」
「覺得公屋都好好住，直到去咗人地（哋）個會所」
「覺得逼地鐵返工都好方便，直到call咗Uber」
「覺得1080p都已經好清，直到睇到4K電視」
「覺得手機相機都夠用，直到試過專業相機」
「覺得平價耳機都好聽，直到試過靚headphone」
「覺得double size（床）都已經夠瞓，直到試咗king size（床）」
「覺得YouTube手動skip廣告還好，直到試咗YouTube premium」
「覺得雀巢咖啡都好正，直到試咗精品咖啡」

網民建議1方法最慳錢：可以慳10萬

帖文引起網民熱議，有網民就樓主的「慳錢真理」提出更多例子，「覺得金枕頭好好食，直到試咗黑刺貓山王金鳳、覺得capsule都好飲，直到買咗delonghi全自動咖啡機」、「覺得公立醫院已經好好，直到入咗私家醫院」、「手機追劇或睇YouTube都唔錯，又可以帶出街，直到我擁有人生第一部iPad」、「以為自己最鐘意日本，但直到去歐洲，完全改觀，原來歐洲先係去旅行。」

有網民則提出相反意見，認為即使享受過貴價品或服務，亦不代表「無得返轉頭」，「我又唔覺得，搭過First Class，再搭返Econ都冇乜所謂；英國住過四五房獨立屋，回流香港住番單位都冇乜問題；第一次join 健身室係Pure Fitness ，現在相對經濟嘅anytime都OK；日日揸車返工，有時使用返公共交通工具都覺得幾有趣；食過更好嘅餐廳，有時都心思思想食個出前一丁麻油味。」

有網民認為如凡事只追求平價品，只會錯過更多，「做人係得嗰三萬日，下下都最低消費咁你個人咩好嘢都無見識過，好霉下啫」、「讚（贊）成咩都要試下：試過3千幾蚊面霜，最後都係用返34蚊妮維雅、住過3層高獨立屋，最尾買返單位、住過市區，最後揀交通無咁方便嘅郊區。」

此外，有網民提出終極慳錢方法，「終極慳錢方法：唔好去旅行！平時一個月買嘢唔到$1000，但去旅行一年可以洗10皮（10萬）。」

圖片及資料來源：[email protected]

文：Y