港人跟風學外傭中環街頭野餐假日馬路傍席地而坐「開餐」網民反應兩極：唔尊重VS幾有趣

更新時間：15:27 2025-11-10 HKT
發佈時間：15:27 2025-11-10 HKT

每逢假日，不少外傭會在香港各區街頭、天橋、公園等地聚集，坐在地上食飯、聊天度過休息日。近日，有港人在社交平台表示在假日時與朋友們前往中環馬路「野餐」，更加入「工人姐姐」的「主題標籤」，引起網民激烈討論。有網民認為這是特別的體驗，「都係一種幾好嘅體驗」、「幾青春」；但也有網民持相反意見，認為此舉不尊重外傭，「班姐姐就話逼不得已，你地成班人就係貪好玩」，即看下文了解詳情。

港人跟風學外傭中環街頭野餐假日馬路傍席地而坐「開餐」

每逢假日，香港街頭隨處可見外傭席地而坐的身影，近日竟有港人「跟風」？早前，有網民在Threads發文，分享與友人們一同前往中環街頭「野餐」，表示「其實呢個天氣坐喺路邊野餐係幾C伏（舒服），感謝老友們一齊實現呢個中環野餐夢。」樓主的友人亦在Threads分享帖文，稱「星期日中環街頭野餐打敗99.99%香港人。」

根據運輸署資料，遮打道（介乎畢打街和昃臣道）逢星期日及公眾假期上午7時至午夜12時劃為行人專用區。根據帖文附上的照片可見，樓主一行六人身處中環遮打道，在馬路旁席地而坐，並鋪上野餐墊放上各式食物，包括麥當勞外賣、捲餅、零食、蛋糕等，而遠處也可見不少外傭聚集，在休息、聊天或做運動。

網民反應兩極：唔尊重 VS 幾有趣

帖文引起網民熱議，有網民批評樓主行為，認為此舉不尊重外傭，「其實你哋有冇諗過呢個行為喺某啲人眼中會覺得係笑梗佢哋？如果香港有足夠facilities（設施）俾佢哋休息，有邊個想打風落雨/天寒地凍，仲要咁多灰塵，人來人往，又車來車往嘅地方野餐？」、「OnX當有趣」、「工人放假點解坐路邊，因為冇地方去，唔想洗咁多錢」、「下，唔係樣樣嘢標奇立異就係青春喎，班姐姐就話逼不得已，你地成班人貪好玩。」

但亦有網民認為沒有問題，更是一個特別的體驗，無需激烈批評，「如果要話佢哋阻街，咁係咪要話晒全部工人姐姐阻街先？然後雖然佢地打卡tag工人姐姐，但完全冇貶低或者歧視嘅意思」、「其實成個post冇一個字係有唔尊重嘅成份，都係體驗下人哋嘅文化，本身條路已經係特登封咗，工人姐姐都未出聲，成班為鬧而鬧」、「十年之後諗返，未必記得食過咩勁嘅餐廳，但一定記得試過中環野餐。」

圖片及資料來源：Threads@don9_wlc、Threads@majayza_official

文：Y