港人排ATM聽阿伯講電話起疑！做1事成功阻截免陷電騙網民讚：好彩你肯出聲

更新時間：14:53 2025-10-31 HKT
發佈時間：14:53 2025-10-31 HKT

近年香港詐騙案件頻生，尤其長者更常成為目標。最近，有港人在社交平台分享，目睹一位長者在銀行提款機前遇上電話詐騙，更險些被不法分子誘導轉帳金錢，決定即時出聲制止，直言「好彩阿伯全程開speaker，如果唔係今鋪真係銀行存款等於零」，又稱雖未知該位長者之後的下落，惟「希望平安啦」，引起大批網民熱烈討論，讚賞其見義勇為的精神。

港人排ATM聽阿伯講電話起疑！做1事成功阻截免陷電騙：好彩佢全程開speaker

早前有港人在社交平台分享在銀行提款機排隊等候時，發現排在前面的伯伯正以揚聲器接聽電話，對方指伯伯的銀行戶口被凍結，要求他前往匯豐總行，但由於已過營業時間，因此可以經提款機協助他「解凍」戶口。之後，對方逐步引導伯伯入提款卡、輸入密碼及選擇轉帳戶口，「呃佢話輸入解凍號碼」，實質是輸入帳戶號碼並轉帳金錢至騙徒的戶口。

事主此時察覺事情不對勁，「我見唔對路即時制止左阿伯」，形容當時騙徒隨即激動指示伯伯不要理會事主，「叫阿伯唔好理我，仲話我偷佢資料，偷佢錢，會報警拉我，想叫阿伯走先，賊喊捉賊」。事主稱伯伯當時明顯較相信在電話另一方的騙徒，「仲叫我唔好理佢」，後來未有完成轉帳手續便離開現場。雖然未知伯伯之後的下落，惟事主仍表示「希望平安啦」，又慶幸「好彩阿伯全程開speaker，如果唔係今鋪真係銀行存款等於零」。

網民讚見義勇為：幫一次都係幫

事件隨即引起網民討論，不少人大讚事主的義舉，直言「佢啲棺材本啊，好彩你肯出聲」、「雖然唔知阿伯之後點，但I respect you！至少你出過聲」、「好人好事，然幫唔到一世，幫一次都係幫」、「你做得好好，有多啲你呢種人就好喇」；有網民則建議如下次遇到同類事情，可以直接報警處理，「拖住個阿伯同幫佢報警穩陣」、「唔即時報警，救得一次救唔到第二次。不過盡咗力㗎啦」，又笑言「第一次覺得佢地開喇叭係好事」。

此外，有網民分享類似經歷，「多謝你，我屋企人都試過俾kk園呃，中途有個後生仔出聲，我屋企人先醒咗。雖然最後都係呃咗錢，但我都好感恩仲有好心人」、「上個星期我去匯豐排隊問野，咁啱隔離個阿婆就係收到詐騙短訊扮匯豐叫佢轉錢，不過個阿婆都醒，識得走去匯豐問職員先好彩冇事。點解啲人可以呃老人家，個心點過得去。」

來源：Threads