港男偕妻欲進連鎖女裝店被拒怒轟店方「高貴」玩另類「性別歧視」網民反應兩極：思想封閉 VS 有備無患

更新時間：13:19 2025-10-13 HKT
發佈時間：13:19 2025-10-13 HKT

時裝店另類「性別歧視」？近日，有港男在社交平台上發文，指早前與妻子到海港城的美國連鎖品牌服裝店逛街，欲進入店內同系的的女裝店時，卻被店員以「男士免進」為由拒諸門外，讓他怒轟店方「高貴」玩另類「性別歧視」！帖文迅速引來大量網民討論，有網民贊同樓主，認為店家「思想封閉」；也有網民反駁指「每個你覺得離譜嘅規定，一定有一個離譜嘅原因」，認為只是「有備無患」，即看下文了解詳情。

港男偕妻欲進連鎖女裝店被拒怒轟店方另類「性別歧視」

近日，有網民在Threads上發文，指早前與妻子一同在尖沙咀海港城逛街，期間前往美國連鎖品牌服裝店購物，正當他們打算一起進入位於店內的旗下女裝店時，事主突然被拒諸門外，一名店員上前攔截，並表示「呢邊男士免進」。事主聞言大感錯愕，質疑道：「吓？連內衣店都冇所謂搞『只招待女士』，搞咩呢間咁『高貴』，玩另類『性別歧視』？」並在帖文中附上「男人免進」、「性別歧視」、「有冇得向平機會投訴架？」等標籤，表達他的強烈不滿。

網民反應兩極：思想封閉 VS 有備無患

帖文引起網民熱議，不少網友認為女裝店設限是「有備無患」，「每個你覺得離譜嘅規定，一定有一個離譜嘅原因，你要嬲，就嬲搞出一個離譜規則嘅人，我相信舖頭staff絕對唔鍾意呢條規則」、「內衣店真係唔會想揀款揀size隔離有個男人望住」、「事必有因，見過有阿叔係內衣舖逐個逐個bra喺到搓，即刻唔想買走咗。」

也有網民力挺事主，認為店方政策屬於「性別歧視」，「可以投訴，因為公共空間，除非佢係封晒」、「呢個算唔算歧視男性呢？係唔係可以搵平機會？」、「性別調轉留言又係另一個風氣」、「男裝內衣店一定唔會有職員叫話女士免進」、「老公陪自己入内衣店都唔得？咩年代。」

圖片及資料來源：Threads@lhs_1993

文：Y