港人租住周潤發舊單位狂收粉絲信！「一個月幾封」唔知點處理網民點名1藝人幫手轉交？

更新時間：11:00 2025-09-07 HKT
發佈時間：11:00 2025-09-07 HKT

影帝周潤發（發哥）向來友善又生活貼地，親民性格吸引不少粉絲，更有粉絲會親筆寫信給偶像應援。近日，有網民在社交平台上發文，稱他現租住的單位曾為周潤發所有，每月都會收到幾封由粉絲寄出的粉絲信，因不知道該如何處理，遂在網上發文，望「推到去周潤發啲朋友睇到」。帖文引起網民熱議，有網民點名1藝人希望能幫手轉交，即看下文了解詳情。

港人租住周潤發舊單位狂收粉絲信！「一個月幾封」唔知點處理

近日，有網民在Threads上發文，指他自從租住位於太子，周潤發曾持有的單位後，每月都會收到數封粉絲信，「我又唔想就咁掉落垃圾桶，又唔想掉返落去郵筒，因為佢轉個頭又寄返返嚟」，故在網上發文，希望「可以推到去周潤發啲朋友睇到」，讓信件物歸原主。樓主補充，寄信的不只香港粉絲，也有不少海外粉絲，「有啲信係唔喺香港寄嚟，真係超多海外fans」，因不想粉絲的一番心意被浪費，故「想幫佢哋交啲信去到佢（發哥）手上。」

網民點名1藝人幫手轉交？

帖文引起網民熱議，不少網民留言建議可如何處理信件，「咁你袋住喺身，或者有時行街會撞到周潤發，我屋企人都喺街撞過周潤發」、「搵啲媒體幫手聯絡得唔得，例如啲娛記媒體」、「試下 tag 佢啲跑友」、「寄去經理人公司？」；也有不少網民點名發哥跑友之一的唐詩詠，希望她能幫手轉交，「請問詩詠可會通知到發哥？幫幫樓主refer 啲信？」、「詩詠，可唔可以幫到樓主忙？先謝謝你。」

圖片及資料來源：Threads、Instagram@natalietong53

文：Y