的士司機凌晨3點驚見詭異Order？載客攜骨灰往西貢墳場更額外註明一要求？網民：當幫吓人

更新時間：19:21 2025-09-03 HKT
發佈時間：19:21 2025-09-03 HKT

今時今日，不論是乘客或司機都習慣使用電召的士應用程式叫車或接單。近日，有的士司機於網上論壇分享一次詭異經歷，指在凌晨3時發現有客人經電召的士App預約的士，惟寫明需載客攜骨灰往墳場，備註更表明「需點香引路」，直言「好得人驚」，不過有網民就認為沒有甚麼問題，「當幫吓人手，自己積德」，詳情即看下文！

的士司機凌晨驚見詭異Order！更額外註明一要求？

有從事的士司機的網民早前在網上討論區以「（慎入）啱啱凌晨3點揸的士見到張咁嘅order」為題發文，指凌晨3時發現「Call的App」發現有客人預約的士，「有人係（喺）飛的落張咁嘅order，仲要有師兄接左（咗）。」在截圖中可見，該名乘客要求由牛頭角樂華邨前往西貢企壁山，惟註明攜有「一盅骨灰及招魂鈴」，而且在車內「需要點香引路」，直言「好得人驚」。

翻查網上地圖，西貢企壁山位於白沙灣附近，而該處正是企壁山墳場的所在地。該名乘客或有機會知道難有司機接單，故落單時亦表明是「千足金」，意指會支付正價車費，無需有折扣。

網民不抗拒：返工都係積德咪當幫吓手

有網民留言指，如有人開價$10,000會願意接單，又有人指此類要求並不罕見，「好多紅磡大酒店（編者註：即殯儀館）附近搭的士嘅都係咁。」此外，有不少網民認為其實問題不大，認為「幫人即幫自己」反問「唔明有咩問題」，又指「反（返）工都係積德，好多野（嘢）都係因果報」、「咪當幫下手，平常心，最緊要啲嘢跟足」、「當送人一程啫」。

文：TF

資料及圖片來源：lihkg