試當真告別晚宴價單曝光嚇窒網民？玩「荷蘭式拍賣」每圍叫價高達$88,888 疑粉絲護航：明碼實價想去就會去
發佈時間：15:26 2025-09-01 HKT
YouTube頻道「試當真」早前宣布將於10月26日正式停運，最近更在社交平台公布舉行告別晚宴，9月8日起開始接受預訂，惟晚宴叫價嚇窒一眾網民？試當真告別晚宴大玩「荷蘭式拍賣」，每枱12人叫價最高達$88,888，而且晚宴菜單的菜式亦不算非常高級，大部分網民認為叫價偏高，同時有疑為頻道的粉絲則認為明碼實價並無不妥，掀起網上熱議。詳情即看下文！
「試當真」10月停運前辦告別晚宴 每圍叫價高達$88,888？
由游學修、蘇豪及許賢領軍的YouTube頻道「試當真」，在今年4月預告頻道將於10月26日，即「試當真」開台五週年當日正式停運。日前，「試當真」在其社交平台公布10月6日會舉行一個名為「試當真白金像獎」晚宴，並於9月8日中午開始接受預訂，宣傳海報上亦寫有「最後一次，好好紀念」字眼。
「試當真白金像獎」晚宴以中式宴會形式舉行，7時恭候，8時入席，同時率先公開菜單，由頭盤至甜點一共11款菜式，當中包括「再見豬豬全體」（乳豬全體）、「係咁鮮斑」（清蒸海斑）、「大佬鴨汁笠粒荷葉飯」（荷葉飯）等。
「試當真」晚宴大玩「荷蘭式拍賣」 網民反應兩極：「Cap水」VS明碼實價
而一眾網民的重點則放在晚宴的叫價之上，由於今次頻道大玩「荷蘭式拍賣」，即由9月8日中午12時開始預訂起，價錢會每24小時降價1次，「第一口價」每位為$8,888 / 每枱（12位）為$88,888。至翌日（9月9日）中午12時的價錢則會下降至每位為$4,888 / 每枱（12位）為$48,888，之後每日每位價錢下調$1,000，每枱（12位）則降價$10,000，至9月12日中午12時成「底價」，每位為$1,888 / 每枱（12位）為$18,888。
儘管不少「試當真」粉絲都在其社交平台留言，表達對「試當真」停運的不捨，「唔想睇住您哋黎（嚟），再望住您哋走」、「價錢有回憶嘅味道」，但仍有不少網民認為晚宴叫價昂貴，更認為是趁機「Cap水」，「啲餸最多4888一圍個（果）種黎（嚟）」，甚至有網民誤以為每位$8,888為一圍價錢。
不過，有疑似粉絲為「試當真」護航，認為「冇人叫你第一水買」、「明碼實價寫曬出黎（嚟），想去就會去」，又指「試當真搞出黎（嚟）都係為左（咗）搵錢，搞呢d（啲）收人錢又有咩問題？」
文：TF
延伸閱讀：港女剛畢業被要求交$8000家用 慘呻月入比兄長低+還政府貸款 與母爭論1原因反駁無效
————
