京東收購佳寶連推3日全場8折！優惠最後1天門市「真清倉」貨架/凍肉櫃被洗劫一空網民：8折就咁樣？

更新時間：15:34 2025-08-19 HKT
發佈時間：15:34 2025-08-19 HKT

本地平價連鎖超市「佳寶食品超級市場」日前正式被內地電商平台京東完成收購，同時宣布推出一連3日全場8折優惠，各區分店均吸引大批街坊前往掃貨。而在優惠最後一天（18日），有港人更發現其中一間門市的貨架及凍櫃貨品幾乎被搶購一空，被網民笑指如同「世界末日」，亦有人對情況摸不著頭腦，「唔係好理解8折就咁樣…」

京東完成收購佳寶超市！宣布一連3日全場8折

「香港佳寶食品超級市場」是不少市民日常購買糧油雜貨的平價連鎖超市之一，日前被京東正式完成收購，同步宣布推出一連三日全場8折優惠，在全港各區逾90間分店舉行，涵蓋米、油、蔬果、急凍食品及罐頭等日常用品，吸引不少街坊到場掃貨，場面墟冚！

港人直擊優惠最後1天門市貨架/凍肉櫃被洗劫一空

昨日（18日）為優惠期最後一天，有網民在社交平台以「佳寶被京東收購後3日全場8折，最後一日晚上7點情況」為題發布短片，直擊「佳寶」其中一間分店的情況。據片中顯示，部分市民圍在貨架旁邊選購心水食材，而擺放在貨架上的調味料及醬料，以及急凍櫃內的凍肉及急凍食品等幾乎被搶購清空，收銀處亦排隊付款的人龍，可見有不少市民把握最後機會，期望以8折優惠價入手各款日用品及食材。

網民不解：8折就咁樣？

帖文一出隨即吸引不少網民留言討論，認為是次推出的折扣優惠未至於吸引到需要大手入貨，直言「唔係好理解8折就咁樣……」、「都唔明搶黎（嚟）做咩，8折啫，又唔係免費」、「經過人山人海，都係避開好啲，平得幾多啊」；亦有網民表示部分貨品折後價錢的確較便宜，「我阿媽話史雲生雞湯，三盒折咗$27就真係好抵」；有網民則分享其他地區分店的情況，「新都城佳寶好似日本仔打嚟一樣。乜嘢都冇晒」。

來源：enjoy_life_chris@Threads