DSE考生控訴自修室霸位情況呻被一類人噪音滋擾：「真正想溫書嘅人冇位坐」最難頂是這問題？

更新時間：10:15 2025-07-26 HKT
發佈時間：10:15 2025-07-26 HKT

自修室為學生及有需要人士提供寧靜的學習空間，讓他們專心溫習，特別在DSE考試季節，更是考生備戰的地點。然而，最近有DSE考生控訴自修室霸位情況嚴重，不少座位被人全日佔據，導致「真正想溫書嘅人冇位坐」，而且還發出噪音影響溫習效率，當中更有一大問題令考生大呻難頂滋擾！不少網民大感無奈，留言表示：「我知佢哋可能熱想涼冷氣，但都唔代表可以嚴重影響其他人……」

DSE考生控訴自修室霸位情況呻被一類人噪音滋擾：「真正想溫書嘅人冇位坐」

最近有應考2026年文憑試的考生於Threads發文控訴，指部分露宿者長期佔據自修室座位，「搞到真正想溫書嘅人冇位坐」，情況嚴重。而且，不少人會於座位上睡覺，發出噪音影響他人：「有啲會扯鼻鼾嘈住晒，好滋擾！」而令他大呻最難頂的發現部分人身上發出異味，形容難以忽視：「真係臭到你頭都暈，溫唔到書嗰隻。」令他大感無奈。

事主其後決定於Threads開設專頁，希望向相關部門反映情況：「開呢個page（專頁）唔係想公審人，而係希望相關單位可以加強對自修室嘅管制，為我地學生提供一個寧靜舒適嘅溫書環境。」又補充：「我知偷影唔啱，但冇圖冇真相，冇相一陣又會某啲人話我口講無憑。」

翻查專頁以往帖文，除了露宿者佔據座位的問題，事主亦反映曾有市民於自修室打遊戲機時發出噪音：「不停好大力咁㩒mouse（滑鼠）keyboard（鍵盤）+開聲打機，返屋企玩啦！」事主指出，學生因疲累而短暫趴桌休息，不足十秒便會被管理員叫醒；反觀部分長者或露宿者長期佔位、製造噪音，甚至打鼾，管理員卻鮮有干預，彷彿視而不見。

他強調，能夠理解長者或露宿者或有其需要，如在家中感到沉悶或希望享受冷氣，但疑惑為何不選擇更合適的場所，如社區中心或長者中心，而要佔用專為學習而設的自修室。

網民無奈：自修室係用嚟溫書

事主帖文引起網民熱議，有人表示認同：「我知佢哋可能熱想涼冷氣，但都唔代表可以嚴重影響其他人」、「佢依家就的確係影響到人，根本就冇歧視嘅存在」、「自修室留比有需要嘅人啦」、「冇計，公眾空間你冇得趕走」、「想當年隔離位伏低檯面恰一陣都被人叫醒，食lunch返晏左10分鐘都被人執野收返個位」、「其實以前入自修室要真係溫書，有工作人員巡，唔係溫書會趕你走，唔係所有人都入得㗎。」

有網民就表示明白露宿者的難處：「人地想露宿？歧視人咪出聲囉」、「人哋露宿者本身已經好慘，入去自修室都係想有個靜啲嘅位涼吓冷氣休息吓」、「佢地都慘，可以搵社工幫手？。」有人則回覆「明白露宿者都唔想無家可歸，但都唔係下下都大曬同埋事必要包容，如果氣味、聲音、行為等等唔同形式影響到人地正常使用已經係騷擾」、「依個真係好複雜問題，話佢哋又無人情味，但事實依個地方又係溫書、睇書、做野地方。一般情況，就算有鼻鼾都無咩大問題，但氣味成間房焗住，呢啲天氣仲難頂。」

資料及圖片來源：[email protected]