颱風韋帕｜港人打風照北上！無懼10號波住酒店歎美食 回程1招返港：今日搭簡直抵到爛！
發佈時間：15:42 2025-07-21 HKT
熱帶氣旋韋帕昨日（20日）襲港，為香港帶來今年首個10號風球，多個地區出現狂風驟雨，鄰近的深圳天氣亦受影響。不過，有市民無懼惡劣天氣，選擇在颱風來襲前一天（19日）北上「歎世界」，品嘗脆皮燒鵝及陝西手工麵等，並在翌日（20日）懸掛8號風球的情況下，巧用1招順利返港，即看下文了解詳情！
港人無懼打風照北上「歎到盡」大歎脆皮燒鵝/陝西手工麵
韋帕襲港，為香港各區帶來狂風暴雨，政府呼籲市民應留在安全地方暫避，不過有網民反其道而行，指在「衡量過風險」後，決定在韋帕來襲前一天（19日）北上深圳，享受「歎到盡」的颱風假期！
樓主表示，他於19日中午時份到達上水站，形容站內人潮洶湧，直言港人北上已成常態。抵達深圳後，他先到酒店辦理入住，隨後就開展美食之旅。樓主利用美團App搜尋到一間主打脆皮燒鵝的餐廳，等了1小時就有座位，認為味道也相當不錯，「食完之後覺得可以囉，如果鵝啲肉多啲更加好，個皮係脆脆地，幾正嘅」。此外，樓主亦有到一間人氣連鎖餐廳品嘗陝西手工麵，行程相當豐富。
打風回程1招返港：今日搭簡直抵到爛！
翌日（20日）回程時，香港正被颱風韋帕正面吹襲，10號風球懸掛近7小時，港鐵露天路段停駛，多種交通工具服務受阻。不過樓主已「晨早諗定plan b計劃」，決定前往福田站乘搭高鐵，笑言今次正好體驗「有錢有車返香港，冇錢你慢慢等嘅樂趣」。樓主表示，平時覺得高鐵票價不菲，但今日能在風雨中能快速地回到香港，實在「抵到爛」，「你都唔想坐一陣去到大埔墟畀人踢落車㗎，呢個時候高鐵就幫到你啦。」
有網民留言表示，「如果有地方瞓，深圳全程地鐵，包冇濕身。」對此樓主回覆指，自己正是因為這一點，才決定北上，「我都係諗住呢一點，酒店唔太近地鐵站，不過可以打車搭救。所以八號風球、十號風球都冇乜所謂 ，返嚟可以高鐵。」也有網民查詢：「高鐵十號（風球）也開嗎？」樓主表示，8號風球下高鐵服務已恢復，自己是搭乘「下晝開車後地第二班」，雖延誤44分鐘，但仍順利返港。
圖片及資料來源：深圳大灣區好去處開心share@Facebook
文：Y
延伸閱讀：打風必食麥當勞？十號風球照開 多區分店大排長龍 網民：港人習慣嚟
