Keeta外賣員收離譜「柯打」！凌晨4時送青衣「三支香」最高點 徒步上山僅獲$43.2 最終訂單咁處理……
更新時間：15:33 2025-05-14 HKT
發佈時間：15:33 2025-05-14 HKT
發佈時間：15:33 2025-05-14 HKT
字體大小
外賣員日常奔波送餐，風雨無阻，但最近有Keeta外賣員卻接到一張離譜「柯打」。訂單要求外賣員在凌晨4時將餐點送到青衣「三支香」南峰的最高位置，途中需徒步行樓梯上山，送餐費就只有$43.2。此事在網上引發熱議，不少網民批評訂單不合理，直言「上到去隨時變失蹤人口」、「個客0成本玩野」；也有網民好奇最後如何處理，即看下文了解詳情。
Keeta外賣員收離譜「柯打」 凌晨4時送青衣「三支香」最高位置
近日，一位外賣員在Facebook群組「KeeTa外賣關注組」分享了一張訂單截圖，並配文「有Ｘ病」。照片中可見，外賣員在凌晨3時51分收到1張由青衣工業中心二期送往青衣「三支香」（又稱：青衣山）南峰最高位置涼亭附近的訂單，送單價為$43.2，若在4時35分前送達更可額外獲得$9小費。
訂單備註指明「只有步行路徑上山」，並提示「著白色衫，其實得我同朋友睇日出，嗰位有啲難上去」。翻查資料，南峰是青衣「三支香」的最高點（海拔334米），上山必經一段長而陡的樓梯，加上當時凌晨時分天色昏暗，過程不僅考驗體能，而且更暗藏危險。
網民熱議落單者「有心搞事」 最終訂單咁處理...
帖文迅速引起網民熱議，不少網民認為落單者「有心搞事」，「自己已經夠無聊夜媽媽走上山，仲要拉人落水，見微知著，呢條友真係好人有限」、「半夜行上山有咩事上黎邊個負責」、「落雨我都吾會叫外賣，廢事人地（哋）淋濕身，人地（哋）都有阿媽生㗎」、「上到去隨時變失蹤人口」、「個客0成本玩嘢」。
有網民好奇訂單最終如何處理，「好想知最後佢食唔食到宵夜呢，全部人都唔接張單會點處理？」對此，樓主則回覆指餐廳老闆決定取消外賣訂單，「聽老闆講，取消了」、「冇得唔取消」。
圖片及資料來源：Facebook@KeeTa外賣關注組、小紅書@anonymous9997
文：Y
延伸閱讀：外賣男呻做步兵腳痛 「神行太保」自爆驚人戰績鼓勵：日日5萬步 行家傳授減勞損秘技｜Juicy叮
