殯儀館模式搬入醫院出殯小禮堂？80家屬逼爆嫌地方細港殯葬師怒斥4大失禮行為：當自己屋企？

更新時間：15:44 2024-10-24 HKT
發佈時間：15:44 2024-10-24 HKT

親友離世後，若家屬希望喪禮從簡，可以選擇以「院出」的方式辦理喪事，即由醫院直接出殯，而不前往殯儀館設靈。但是，近日有港殯葬師在社交平台上發文，怒斥有家屬將殯儀館模式搬入醫院出殯小禮堂，更做盡4大失禮行為，讓殯葬師直言「當自己屋企？」。

家屬80人迫爆醫院出殯小禮堂做盡4大失禮行為

近日，有位90後香港女殯葬統籌禮儀師在Threads上以「曳曳呀大家唔好學」為題發文，怒斥有家屬將殯儀館模式搬入醫院出殯小禮堂。該禮儀師表示，醫院直接出殯租用的小禮堂空間不大，只能容納10至20個人做簡單儀式，「30人已經好盡」，惟竟有先人家屬帶領80人逼爆醫院出殯小禮堂！禮儀師其後更列出家屬的4大失禮行為，讓她無奈直斥「佢哋真係令人心很累」，即點擊上文圖輯查看詳情！

網民鬧爆：名乎其實嘅「激死人」

帖子引起網民熱議，有網民鬧爆家屬做法，「80幾人就去紅磡啦，真係當自己租咗場大晒咩」、「聽落似係成班自私鬼度縮，多過堅係冇錢嗰啲」、「其實醫院直出多數都係少親朋，又唔計較，又或者經濟唔許可，如果又要乜又要乜不如去返堂擺喇」、「畫面出晒嚟，名乎其實嘅『激死人』，失禮成咁先人泉下有知可能真係講句唔攪好過攪」、「咩人都有，面皮夠厚你都吹佢唔漲」。

亦有網民分享自己親人離世時也是使用院出服務，「有做過，係親人突然走咗，家人太傷心想速戰速決，只有十幾個最親嘅人出席」、「家人做過一次，醫院禮堂。疫情時想簡單低調處理，真係做到儀式時間得半個鐘，好趕，又唔夠位坐。有人遲到少少，最後一面到見唔到。一完長子就好似明星咁俾人推咗上靈車，連同親友道謝機會都冇」、「我家人都用過醫院禮堂做告別式，只係想講關人事唔關宗教事」。

資料來源：[email protected]

文：Y