專欄 蘇哈仔│利辛度馬天尼斯篤正曼聯要害
更新時間：08:45 2026-10-20 HKT
發佈時間：08:45 2026-10-20 HKT
發佈時間：08:45 2026-10-20 HKT
字體大小
利辛度馬天尼斯公開批評球會，點名斥責足球總監韋確斯引援不力，道理和紀律上當然唔應該，但他的批評卻處處篤正曼聯的要害。
小朋友考試考到第三名，父母和老師除了稱讚，都會叫他繼續努力，下次考第二、考第一，要不停進步。曼聯上季英超取得季軍，重返歐聯賽場，球隊由魯賓艾摩廉轉手到卡域克，成績大幅進步，比賽場面亦比之前好得多，中前場組織漸見流暢，進攻套路亦更豐富，一切向好。
阿根廷中堅利辛度馬天尼斯說出心底話。法新社
不進後退 學生都知道
有起色有勢頭，紅魔高層的本份，就是在這基礎上加強球隊實力，今季有更具競爭力的班底。韋確斯最終買了三名中場，不計能力只是滿足了基本人數，左閘唔夠人唔理，前鋒有需要加入亦睇唔到，結果七輪英超得七分，創40年最差開季；比面場面又變返難睇，中場中軸實力不足，主攻唔似進攻，防守唔似防守，經常被對手全面壓制。
當競爭對手阿仙奴每向前行一步，管理層都會做好配套在硬件和軟件上升級，最終取符英超錦標。馬天尼斯見到球隊不進反退，為隊友和隊伍發聲，將自己見到的問題公開，道德上唔應該但有此必要。打工仔袋人工後，公司有咩事閣下自理，最多跳槽搵第二家，「利馬」卻上心說出心底話，應該給予支持。蘇偉業
