港超聯｜葉鴻輝、袁皓俊視門將之爭是良性競爭 羅振庭相隔超10年再穿東方球衣感特別
發佈時間：17:55 2026-08-12 HKT
東方周三在賽馬會香港足球總會足球訓練中心，進行公開操練和拜神儀式，門將葉鴻輝和袁皓俊齊認為門將之爭屬良性競爭，而羅振庭相隔超過10年重返東方，他則指相隔多年再穿藍色波衫感覺很不同。
東方班費維持過千萬
上季東方表現平平排聯賽第四，今季大舉增兵，首席顧問游永強表示班費維持過千萬，提到今季目標他則指：「我諗實際目標都係希望可以喺聯賽爭取到上游嘅成績，亦都希望可以喺盃賽上面攞到冠軍。因為畢竟聯賽嘅部署打法同盃賽一場過係唔同，但我哋都好有信心。」今季東方教練和球員用人上更多使用西班牙人，游生表示上季都可以見到西班牙踢法適合東方，在世界盃也可以看到西班牙的表現，也希望可以維持以老帶新的做法。
葉鴻輝、袁皓俊視龍門之爭是良性競爭
有港隊「鋼門」之稱的葉鴻輝，上年10月在亞盃外作客孟加拉一戰中遭遇右膝前十字韌帶撕裂收咧，今日他亦隨隊操練但只有在旁慢跑和簡單訓練，問到康復進度，阿輝則表示已經開始進行復原訓練，他也希望可以盡快投身訓練，被問及會否擔心需要更多時間才可以恢復過往的狀態，阿輝則坦言：「呢次大傷都唞咗一段長時間，我自己都知就算之後正式投入訓練或者比賽都需要一段時間pick up返個狀態，呢個係一個預期之內嘅過程，所以又冇話太擔心。」而提到袁皓俊的加盟，阿輝則指他的經驗可以幫到球隊，他也視之為一個良性競爭。
而從九龍城來投的袁皓俊則則指今次加盟東方是希望可以感受回大球會的感覺，而提到和阿輝的競爭，他則表示：「呢個都係一個良性嘅競爭，我諗呢個係大家互相推動嘅動力（有冇信心爭正選？）呢個都係要睇球隊同教練需要，我同其他門將都會準備好俾教練去選擇。」
而近日九龍城被爆未有為球員強積金供款，對此袁皓俊則表示：「我諗呢個大家都知，呢個就交返俾積金局去調查，全權交俾佢哋處理。」
羅振庭相隔超過10年再回東方
而羅振庭年少時效力東方青年軍，其後到英國深造，回港後亦曾效力多支本地球會，相隔超過10年回歸他則表示：「隔咗好多年，都成十幾年，先再著起呢件藍色嘅波衫。以前好細個嘅時候，一直都好習慣自己都係著藍色波衫，跟住一路都無機會再著返，所以今次著返嘅時候，個感覺係特別唔同。」而提到球會和自己的變化，他則指球隊有更多西班牙人，而自己也成為一名更有經驗的球員，希望可以利用自己的經驗去幫到其他球員。
記者/攝影：魏國謙
