亞盃外｜球迷坐爆啟德撐港隊 望直取新加落坡直進沙特決賽週
發佈時間：19:30 2025-11-18 HKT
香港足球代表隊主場出戰亞洲盃外圍賽對新加坡的關鍵賽事，今次門票再度火速售罄再坐爆啟德撐港隊，多年球迷盧生表示球迷氣氛提升球員表現，而球迷Eugene和譚太則希望能直取新加坡一同前進沙特的決賽周。
球迷支持有助提高球員表現
盧先生直言已經看了港隊多年，對於今日的結果他表示：「梗係希望出線啦，一粒都夠㗎啦。」另外他也認為今年港隊表現較以往更引人注目，但仍有許多進步空間，他說：「即係球迷影響到佢先至有而家嘅成績，但係我覺得仲有好多進步空間。」盧生亦談到今年最印象深刻的比賽，他直言一定罡 6 月對韓國的經典一戰，他表示：「最深刻就梗係韓國啦成千幾人到場友，好熱熾，估唔到咁嘅地方都有咁多球迷去支持港隊。」
女球迷上年隨隊到多哈 望今晚直取新加坡前進沙特
Eugene和譚太在去年多哈亞洲盃認識，今再相約一起觀賽，Eugene表示今晚只有一個目標就是贏，她說：「梗係期望贏波啦，得一個期望就係贏，1球2球幾多球都冇所謂，總之要贏一齊去沙特。」對於現在的氣氛她表示：「氣氛係好過以前好多，即係以前無論你點呼籲其實都好難爆場可能旺角場就得，但係例如之前大球場嗰啲都好難話會爆，但係多咗人睇就多咗啲人喺網上面鬧交，但係我覺得只要大家一齊支持港隊就OK。」譚太也補充說：「我記得以前阿輝講過唔鐘意踢主場，因為以前踢主場真係比人鬧到爆，但係依家就算輸波我哋都係繼續撐。」而兩位都是門將阿輝的支持者對於門將之選，他們認為謝家榮有能力承接受傷缺陣的葉鴻輝位置。
新加坡球迷到港撐國家隊 大讚香港球迷熱情
新加坡球迷Davy今日早上才抵港，他表示當然係希望贏但更希望球隊能夠上現一場精彩比賽，對於香港球迷他表示：「佢哋好熱情，你可以睇到佢哋上次亞洲杯嘅表現，我哋都好希望新加坡嘅球迷可以做到咁。」另外同樣來自新加坡的陳生表示今場有機會打和但是都是一個好結果，到香港才認識的鄭生對於香港球他表示：「我覺得你哋好熱情，因為上次去新加坡好似都有500人，今次應該仲多。」
記者、攝影：魏國謙
