亞盃外｜香港主場對新加坡上演焦點戰韋斯活：感受到所有人團結一致對待今次比賽

更新時間：20:48 2025-11-17 HKT
發佈時間：20:48 2025-11-17 HKT

亞洲盃外圍賽C組港隊明晚在啟德主場館迎戰新加坡，港隊主帥韋斯活出席記者會時表示準備工作充足球員們都準備好，更表示感受到各界團結一致支持港隊，而同場的後衛勞烈斯亦表示很期待明晚能在主場出戰並期望能有好的成績。

韋斯活：首次感受到各界團體一致面對球賽

港隊主帥韋斯活今日出席亞盃外記者會時表示球員們士氣很好，而且隊中的球員都很健康可以上陣，他亦對外界的支援感恩惠他說：「我哋訓練得好好，好幸運可以喺香港大球場接受訓練，足總同康文署同埋香港大球場都比咗好大支持同幫助，可能係我第一次感受到大家團結一致同真心全力支持。甚至港超聯嗰邊好似𠎀志同南區嘅管理層都有伸出援手。」他特別點名流浪管理層不配合，並特別說永不忘記。另外勞烈斯也表示：「聽日嘅比賽好重要，我哋都準備得好好，好開心見到賣曬啲飛，希望我哋可以有個好成績。」

亞歷斯祖傷退場地並非最佳狀態但不會太理會

亞歷斯祖較早前在社交平台表示因傷明天未能作賽，韋斯活承認說：「是的Jojo的確係受傷，佢上場對柬埔寨時不幸拉傷，但係足球就係咁，呢個就係點解我哋需要登錄24-25名球員，等出現呢啲情況嘅時候可以彈性調整。」啟德主場館不久前剛完成全運會七人欖球賽，草地狀況明顯欠佳韋斯活表示：「當然呢到舉辦咗唔少欖球賽，但係我哋必須繼續應戰，場地顯然唔係最佳狀態，畢竟已經咁頻密使用同磨損，但我哋必須要同樣出色，所以我哋唔會理會場地狀況，重點係點贏。」