蛇年賀歲盃｜資深體育人伍家謙帶仔女入場全城齊撐賀歲波

更新時間：20:09 2025-02-01 HKT
發佈時間：20:09 2025-02-01 HKT

年初四晚上舉行的蛇年賀歲盃，賽前預售門票已經有2萬張，不少球迷特意入場追捧海外及本地球星。前TVB體育新聞記者伍家謙特意帶同子女入場，一起感受賀歲盃盛事氣氛。

伍家謙表示，今次帶子女來睇波是想下一代感受大賽氣氛：「細個爹哋帶我來睇波，新年好像所有節目都做完了，又記起父親以前帶我睇賀歲盃的美好回憶，因此特意帶子女來感受氣氛，將入場睇賀歲盃這件事一直傳落去。」伍家謙又指，看賀歲盃的氣氛重要過所有落場的球星：「以往在舊大球場年代，在(體育傳媒)工作的時代，在大球場都有很多回憶，很多味道、感情、傳統重要過所有事情，自己也特別想入場觀看卡卡踢波。」

伍家謙指，去年也有入場看比賽，希望今年都入場，子女會喜歡現場睇波。提及未來有可能在啟德辦賀歲盃，伍家謙說在哪個場地都好，如果可以回復以往傳統兩日比賽會更加好：「初一踢兩場比賽，初四再踢兩場，搞足兩日賀歲盃感覺會更加好。」

球迷Jacky及Henry則表示，自己是卡卡球迷，特意帶同卡卡球衣入場追星。Henry更在10多年前親自去馬德里追卡卡，今次再次入場支持：「今次賀歲盃氣氛很好，自己很早已經買飛，希望支持偶像卡卡比賽。」另一球迷Billy和4位友人到場，即席購票入場支持：「我和4位朋友即場買飛，買380元山頂位。自己最想看李華度比賽，上年他在大球場技驚四座，自己也想支持香港球員比賽。如果未來再辦賀歲盃，有以往嘉士伯盃的規模(兩日四場比賽)便更加好。」

記者吳家祺

↓立即下載星島頭條App↓