大埔粉麵店牛腩河變「柴皮河」？食客慘呻「冇一件食得」 網民：撩牙指數10粒星
更新時間：16:03 2026-08-12 HKT
發佈時間：16:03 2026-08-12 HKT
發佈時間：16:03 2026-08-12 HKT
字體大小
近年，香港不少地區老店相繼宣布結業，讓不少食客大感不捨。大埔粉麵店老字號「陳漢記」於2023年結業，後改由另一間餐廳接手易名後繼續經營。最近，有網民在社交平台發文，指早前到訪大埔時發現「陳漢記」已經結業，而光顧新店時更驚見牛腩河變「柴皮河」，大呻「冇一件食得」。事件隨即引發熱烈討論，有網民笑言是「手撕牛河」、「撩牙指數暫時10粒星」，也有大埔街坊坦言「轉咗好耐啦，唔係牛腩馳名喎」。
大埔粥麵店牛腩河變「柴皮河」？食客慘呻：冇一件食得
最近，有網民在社交平台以「請問大埔陳漢記去咗邊」發文，疑為抵達大埔後才發現該舖位食肆已經轉手。事主隨後在該餐廳點了一碗牛腩河，惟餐點送上後質素令其大失所望，形容「相同舖位易名，牛腩河變咗咁」，更直言整碗牛腩「冇一件食得」，對此深感崩潰。
網民：撩牙指數10粒星
帖文公開後，隨即引來大批網民及大埔街坊熱議。不少網民紛紛戲稱其為「煲湯瘦肉」、「手撕牛河」，甚至形容為「柴皮牛腩」，更有人諷刺其「撩牙指數暫時10粒星」。有街坊則指出陳漢記已結業數年，「轉咗好耐啦」，現時接手的餐廳亦「唔係牛腩馳名」；亦有食客直指「而家呢間嘢超難食」，力勸「牛腩，腸粉千祈唔好食」。
另一方面，有食客亦感慨表示，「大埔墟已結業嘅呢三間真的令人懷念」，包括陳漢記的「腸粉同煲仔飯」、群記的「淨爽腩配淨河」以及蔡潤記的「肥腩粉腸河加底加碗剩蛋片」，但亦有人坦言區內街坊其實甚少光顧上述的「名店」，認為「名氣大過質素」、「真係大埔人已經唔食呢幾間好耐…」。
來源：香港茶餐廳及美食關注組@Facebook
文：LW
同場加映：長沙灣街坊餅店$20拿破崙爆紅！新張2個月獲封「天花板級」連日售罄 網民苦呻：住樓上都買唔到！
最Hit
靈探KOL︱24歲姜小柔車禍身亡 曾砸觀音像詛咒自己「明天就撞車」
2026-08-11 16:33 HKT
熊黛林8歲雙胞胎唔似樣網民感嘆基因神奇 大女神複製富二代爸爸郭可頌五官 家庭照勁溫馨
2026-08-11 17:00 HKT
