Pizza-BOX全港執剩最後1間？屹立逾25年火炭分店結業街坊可惜：以前外賣自取好抵食

更新時間：13:18 2025-11-17 HKT
發佈時間：13:18 2025-11-17 HKT

香港連鎖餐飲業競爭激烈，就算是經營多年的老字號品牌亦難敵租金及成本壓力。最近，有網民在社交平台表示位於火炭的Pizza-BOX分店已經結業，全港僅剩觀塘分店繼續營業，有街坊表示該分店屹立該區至少25年，「以前佢外賣自取好抵食，估唔到咁都做唔住」；亦有人認為近年出品質素下滑，直言「唔好食又唔算平，餐又少，執係正常。」

Pizza-BOX火炭分店結業！全港執剩最後1間

有網民在社交平台Facebook「沙田之友 (Shatin Fans)」分享，指日前路經火炭黃竹洋街的Pizza-BOX分店時，發現其已於日前結束營業，現時全港只剩位於觀塘的分店：「Pizza Box火炭店執左（咗），得返官（觀）塘最後分店」。

屹立區內逾25年街坊嘆質素下降：以前外賣自取好抵食

消息傳出後，有街坊指Pizza-BOX分店已屹立區內多年，「Pizza Box最少做咗三十幾年，最終都敵唔過今日嘅香港環境！」、「呢間鋪超耐，我細過住穗禾苑都已經係到，無30年應該都有25年」；有火炭居民憶起品牌不時推出外賣自取買一送一優惠，認為性價比極高，「好耐以前，印象停留係買一送一，三文魚批，炸雞等等，全部都好正。」

然而，有網民指出品牌近年出品質素下降，直言「咁難食，唔意外啦」、「佢而家啲嘢同Pizza Hut差唔多價錢，冇咩特價嘢，所以完全失去競爭力。」有網民更批評該分店員工服務態度差，「火炭呢間嘢員工勁hea，幫襯過2次都係愛理不理，啲嘢又唔係平過人及又唔係好食過人，所以之後都冇再幫襯過，執笠一定有佢嘅原因！」

翻查資料顯示，「Pizza-BOX」前身為美國連鎖薄餅品牌「Domino's Pizza」，2003年因特許經營合約結束，改名做「Pizza-BOX」，並於同年3月重新開業。不過，近年品牌分店數目減少，除了火炭分店，將軍澳分店並已於早前迎來最後營業日，現時僅剩觀塘分店。

來源：沙田之友 (Shatin Fans)@Facebook