連鎖酒樓罕見爆場原來靠1招？冇book就冇位！熱門菜7點半售罄食客︰突然間經濟復甦咁

更新時間：19:23 2025-10-29 HKT
發佈時間：19:23 2025-10-29 HKT

在經濟市道不佳的情況下，不少食肆或連鎖酒樓接二連三結業，餐飲業界如想撐過困境，都要各出奇招吸客。不過，有網民近日發現有連鎖酒樓靠一招「突圍」，成功吸引大批顧客幫襯，晚市時段更罕見出現全場爆滿情景，7時多已有多款熱門菜式售罄，侍應更表示如沒有訂座的話，「今晚就冇位了」，令網民不禁形容為「好似突然間經濟復甦咁」。

連鎖酒樓晚市罕見爆場！靠1招成功令「全場爆滿」

有網民在社交平台Threads上發文，表示日前與朋友去某連鎖酒樓晚飯慶祝生日，竟然發現酒樓非常好生意，非常震驚，「去到嘅時候見到全場滿晒，酒樓侍應話如果冇book位，今晚就冇位了！」。他更形容現場人山人海，在現今經濟環境下實屬少見，「真係好耐冇見過呢個咁多人嘅場面，好似突然間經濟復甦咁」。

未夠8時多款菜式售罄網民讚「性價比好高」

他續指，用膳時大約是晚上7時30分，原本想點豬肺湯及壽桃包兩款菜式，「但係我哋食嘅時候已經賣晒」。而且他每逢路過一張枱，枱面上必定有兩款菜式，就是大大隻的阿拉斯加長腳蟹，以及燒鵝，可見其受歡迎程度。他更認為這菜式就是令酒樓爆滿的一大原因，「聽朋友講平日起碼$400一斤，依家只需要$198一斤，所以就吸引咗咁多人來食」。

他補充指，自己曾於日本北海道吃過兩次長腳蟹，「當然唔可以同北海道比，但以呢個價錢，性價比真係好高！都幾有鮮味㗎！」同時，他亦對燒鵝的味道表示讚賞，並建議網民如有興趣想食蟹，兼飲湯食壽桃包，記得先訂位及預留菜式。