港女200字公審同事小氣唔肯請食「燒賣」！怒斥︰好巴閉咩，斤斤計較 疑似同事現身揭事主超狂行徑...
發佈時間：12:09 2025-10-25 HKT
職場中的小爭執有時因小事而起，日前就有一名主題公園員工在社交平台Threads上發帖，控訴同事吝嗇不願分享「香菇燒賣」小食，更當眾以惡劣態度回應，令她倍感難堪。帖文迅速引發網民熱議，有人質疑事主未經許可擅取他人食物，亦有疑似同事現身反擊，指控帖主是「主動分享」別人食物的慣犯，即睇內文詳情！
網上公審同事拒分享「燒賣」 港女：值幾錢啫，好巴閉咩
前日（10月23日）適逢為網民戲稱的「國際掌摑同事日」，不少網民也在社交平台控訴同事不是。其中，有位曾經在主題公園工作的網民就分享一段與前同事相處的不快經歷。事件發生於主題公園的辦公室內，當時正值員工休息時間，眾人圍繞新購入的氣炸鍋試驗食物。
一名擔任「畫家」的同事正在製作「香菇燒賣」，事主指周邊同事均表示想一同分享。然而，事主正打算品嚐之際，這名同事便當眾對她說：「啲香菇燒賣我買嫁，我一粒都無食過，說話唔係要畫公仔畫出腸你先明下化？」。
事主認為，這番話不僅明確拒絕分享，更帶有個人針對意味，令她在眾人面前感到羞辱及難堪。她在帖文中憤怒表示：「肉Ｘ酸，依家唔妥人妒忌刁難人做到咁下三路低莊到爆。依家粒燒賣值幾錢啫，好巴閉咩，咁斤斤計較。」根據事主描述，她認為畫家的行為過於小氣，純粹出於個人恩怨而非食物本身價值。
圍爐不成 惹網民群批「冇家教」
事件在社交平台上迅速傳播，網民一面倒質疑事主未經許可擅取他人食物，留言如「樓主啲嘢食唔係自己買嘅，係咪應該問過人先呢？冇家教嘅到底係邊個？」及「你自己都咁無禮貌，未問過就食人地啲嘢，話你咪話你洗俾面你。」更有網民揶揄事主「到底有幾肚餓」，質疑她是否慣常擅取他人食物。
多名「疑似同事」 反擊事主「不問自取」
豈料，事件竟進一步發酵，疑似當事人——「畫家」同事竟現身留言，反問事主「咦你講我呀？」，事主亦回應「難得你自己認投」。畫家續「解釋」，表示「買野食自己食都好正常丫，你想食可以自己買返公司架」，然而事主再三提起「你係咪唔記得左當時你自己點講野同咩語氣呀」。
但事件未平息，多位疑似同事亦相繼現身回應，有前同事指事主曾未經許可取食她一包貴價爆谷，並表示：「你都可以問都唔問直接拎嚟食，就係因為我擺咗喺張枱度嗎？」，又指事主未有顧及他人感受，一廂情願以為別人總願意與她分享零食，批評她缺乏尊重，並要求事主「買返包俾我食呀唔該」。
網民質疑事主︰慣左「主動分享」人哋嘅食物
其後再有一位疑似同事亦回應，揭露事主另一行為：「唔好意思啊前同事，既然你咁睇唔起啲燒賣，會唔會考慮下還返我三舊叉燒。」該同事稱，當時在飯堂用餐，事主雖有問及是否可分享其三片「叉燒」，但「你問完之後都應該俾返啲反應嘅時間我吧，唔係一邊問一邊擺落個口度囉，連拒絕嘅機會都沒有」，直指事主做法令人難堪。
在一堆「真相」湧現之際，網民繼續熱烈討論，有人更質疑事主「睇埋其他前同事既留言，睇黎你都慣左『主動分享』人地嘅食物」，並指她「面皮厚」，竟自己發文指控同事，「食咗人啲野仲大大聲話唔希罕」，亦有網民「突破盲點」，睇穿事主心態，「唔請你食野就話人低莊，其實你先係斤斤計較個位」。
資料來源︰Threads
延伸閱讀︰GenZ整頓職場系列！？返新工兩度放飛機 因1理由要求延期開工 僱主嬲爆：仲以為佢先係我老闆
