放題打包變熱潮？火鍋連鎖店任飲任食加送外賣盒 網民：咁快嚟個靚抽
更新時間：13:24 2025-09-29 HKT
發佈時間：13:24 2025-09-29 HKT
發佈時間：13:24 2025-09-29 HKT
字體大小
火鍋放題打包｜香港火鍋放題餐廳近年屢爆顧客違規打包食材事件。日前，荃灣「千海水產」有食客偷藏放題食材入環保袋事件轟動全港，更迅速點燃業界反應，有連鎖日式火鍋店趁勢推出限時優惠，只要於晚市時入座即可獲得一個外賣盒，打包250克的放題食物，被網民戲稱「咁快嚟個靚抽」。
連鎖火鍋店「抽水」千海水產打包事件！放題加送外賣盒 1條件可又食又拎
荃灣廣場「千海水產海鮮火鍋放題」日前（9月27日）流出一段由職員攝錄影片，一對男女食客涉嫌將生蠔、蟹、蝦、肥牛等食材藏入環保袋，經職員勸阻後交出，事件引發關注。與此同時，連鎖日式火鍋店「牛一」抓緊時機在社交平台宣布創新優惠，為享用放題的食客提供「食べ放題利用容器」。
相關報道：火鍋放題貪心男女又食又拎 生蠔肥牛蝦蟹乜都塞落袋 職員客氣勸交還
有別於傳統放題只限堂食的規定，店方宣稱「可能係全港唯一可以打包帶走嘅日式鍋物放題」以正規方式回應打包需求。只要於10月1日至31日期間，逢星期一晚上5時後入座「牛一」，兩人選擇澳洲和牛或以上放題套餐，即可免費獲一個外賣盒，任裝250克食物，超重需按浪費食物收費，額外盒子則另收$50。
網民讚反應快：咁快嚟個靚抽
「牛一」的打包優惠迅速引發網民熱議，被讚反應快，有人笑稱「咁樣抽水得唔得架」、「抽得咁快」、「咁快嚟個靚抽」，亦有網民表示「可惜唔可以袋成袋肥牛」，甚至揶揄「肥哥哥會用呢個盒墊底，塞滿個環保袋，咁算唔算犯規」。
資料來源：nabeone_hk
同場加映：千海水產旺角店開幕！最大即撈海鮮分店進駐MOKO $308起3小時任食蟶子王/白鱔/鮑魚/蟹/日版häagen-dazs
最Hit
樂悠咭優惠再加碼！45大長者食買玩著數 大家樂茶市減$3/太興燒鵝85折/一田超市油米有折
2025-09-28 15:14 HKT
中國女生5.2萬平買日本一戶建 大讚房屋狀態好 入住後卻列出7大弊處
2025-09-28 06:00 HKT
新一輪長者餐飲優惠券！$15歎大家樂/大快活/美心MX/麥當勞下午茶 「愛心食肆賞你惠食」申請方法/派發地點
2025-09-28 14:02 HKT
