外賣員接「絕味」外賣單嘆「食水深」鴨舌/鴨頸/鴨頭索價過百元 網民驚訝：下欄野都賣咁貴
更新時間：16:06 2025-09-16 HKT
發佈時間：16:06 2025-09-16 HKT
發佈時間：16:06 2025-09-16 HKT
字體大小
連鎖熟食品牌「絕味」於香港各區及港鐵站設有分店，主要售賣各式滷味小食。然而，最近一名外賣員接到「絕味」的訂單，才發現其產品價格原來不低，點4份鴨舌、鴨頸及鴨頭已要價過百元，而且訂單量亦不算少，直言店家「食水深」，「（就算）唔夠交租都唔會蝕好多！」帖文迅速在網上掀起討論，網民大感驚訝：「『下欄野』都賣咁貴！」
外賣員接「絕味」外賣單嘆「食水深」鴨舌/鴨頸/鴨頭索價過百元
最近有Keeta外賣員在連登討論區發文，指早前接到「絕味」外賣單時，發現其產品價格不算低，有客人點了兩份鴨頸（$76）、一份鴨舌（$62）及一份兩件的鴨頭（$29），僅4份小食就已索價過百元，直呼「少少嘢賣幾十蚊！」根據樓主觀察，這些高價小食的訂單量更是驚人：「重點係Keeta都多單，仲要真係有唔少人買，仲要唔係買少少。」
網民驚訝：下欄野都賣咁貴？
事件在網上引起熱議，不少網民對「絕味」的定價表示震驚：「鴨頸鴨頭呢啲下欄野都賣咁貴」、「只要唔係鴨肉，來貨價都係下欄級數，但賣到正餐價錢一盒」、「夠你食幾餐兩餸飯」、「呢間嘢成日比啲雞頭雞尾之後加啲味精就賣幾廿蚊。」不過亦有人認為味道不錯：「絕味啲野唔差，經常買返去煲劇睇波食，好上頭停唔X到。」
有網民則表示平日經過時鮮有客人光顧，對此感到奇怪：「開到周圍都係，但每次經過都見唔到有人買」、「第一次見佢有生意」、「唔係樓主都唔知原來咁貴，開咗都未入過去」、「一次都未入過，有時經過都唔太覺佢有客人。」
資料來源：連登討論區
延伸閱讀：美孚港鐵站現神秘外賣店？舖面冷清+貨架空蕩蕩 港人疑惑「完全唔知賣乜」 網民解畫原來是賣XX？
最Hit
