港人酒樓食雪菜肉絲炆米驚現不明紅色物體？起初疑為未炒勻紅椒絲真相令人「當堂反胃」網民怒斥：咁都俾得客？

更新時間：15:32 2025-08-04 HKT
發佈時間：15:32 2025-08-04 HKT

香港飲食業的服務於近年備受討論，有市民批評食肆服務質素欠佳，甚至形容用餐過程「一肚氣」。一位港人於網上群組分享近日於酒樓點了一份雪米肉絲炆米，當他正想開動時，突然發現米粉上有一撮紅色物體，起初以為是未炒勻的紅椒絲，誰知夾起時卻發現真相，令他「當堂反胃」。一眾網民認為經過廚房、傳菜、上菜3大關卡也未能發現，實在離譜，怒斥「咁都俾得客？」

港人酒樓食雪菜肉絲炆米現不明紅色物體真相令人「當堂反胃」

早前有港人於社交平台群組分享一張照片，讓網民猜猜餐點上的紅色物體為何物。事主指自己日前在一間酒樓用餐，期間他點了一客迷你雪米肉絲炆米。然而，當事主打算開動時，突然發現米粉上有一撮不明紅色物體，起初以為是未炒勻的紅椒絲，惟嘗試用筷子竟可以「成塊夾起」，才知道是一片溶掉的紅色筲箕，令他「當堂反胃」。

網民怒斥：咁都俾得客？

事主的遭遇引起討論，有網民認為經過多重送菜關卡也無人發現，實在是離譜，「煮嗰個唔發現，喺廚房攞出廳面嗰個唔發現，喺廳面攞上枱嗰個又唔發現」、「咁大舊傳菜樓面都看唔到」。有網民直言看到作嘔，「睇到都想嘔」、「咁都俾得客？」；有網友揶揄廚師做事疏忽，「筲箕你可以燒成咁，犀利，仲可以落埋食物度，佩服」、「新派粵菜，用用筲箕炆米，咁都唔識？」、「咁溶法，佢隻鑊，都黏滿毒素」。

文:RY

資料及圖片來源:將軍澳主場@Facebook