港人幫襯杭州菜老店「天香樓」中伏力數8宗罪？開業75年獲蔡瀾推薦 5主菜+1前菜埋單逾$4000 網民：後生仔輸經驗

更新時間：12:02 2025-07-29 HKT
發佈時間：12:02 2025-07-29 HKT

港人幫襯杭州菜老店「天香樓」中伏？香江四大才子之一的蔡瀾生前為資深美食家，他曾大讚尖沙咀開業逾70年的杭州菜館老字號「天香樓」，吸引不少食客慕名一試。最近，有港人於社交平台分享與朋友一行4人前往該餐廳慶祝生日，5個小菜連1個前菜及茶芥「埋單」逾$4000，惟整體用餐體驗令事主不敢恭維，更有感自己被當水魚：「我本人就係海鮮」。

港人幫襯杭州菜老店「天香樓」中伏力數8宗罪？開業75年曾獲蔡瀾推薦

美食家蔡瀾曾介紹過不少餐廳，吸引市民慕名一試，當中包括尖沙咀一間老字號杭州菜館「天香樓」。近日，一位港人為與3位朋友前往該老字號餐廳慶祝生日，事主直言未曾想過「一碟6塊蘿蔔前菜，加5個食唔飽又重味精嘅餐點，四人埋單可以收$4,345」。事主表示，當時店員提到「餐牌上面冇寫銀碼唔好點」，所以他們先點了$268醉乳鴿、$508龍井蝦仁、$298糖醋排骨以及$388豆苗炒茭白。

天香樓名物蟹粉麵收費$2,168一人一個飯碗唔滿

後來，事主形容被店員「瘋狂游說要大蟹粉麵」，本已有心理準備蟹粉麵收費不菲，「但埋單先知一人一個飯碗唔滿嘅蟹粉麵承惠$2,088」。蟹粉麵本身包兩個麵底，由於事主一行4人，所以另加$80多要兩個麵底，總數為$2,168。而最為驚人的是，「非常一般嘅龍井茶芥，每位$80」。事主又稱，用餐翌日仍感到口渴，直言「是但一間小炒都會好食過佢」。

事主落單時先經歷店員游說點餐，其後有感「隱形收費未係最令人詐舌」，當晚全場只有他們一枱客人，「想好好傾偈，但服務同態度都令人好唔舒服」。事主透露他們未食完乳鴿已「幾個人嚟換碟」，用餐期間亦不時有店員「企後方望住」，合照時更有店員「突然喺中間收碟」。

餐廳本來營業至晚上10時，不過「9點過啲就熄一盞大燈」，而且一行人仍未離開餐廳，門外「已經拉半閘」，店員「阿姐」更對店入面大叫：「唉你哋可以收工喇」。對於餐點味道以及用餐時「話題被瘋狂打斷」的體驗，事主有感被當「水魚」，更自嘲「我本人就係海鮮」。

網民同情：後生仔輸經驗

對於事主的遭遇，有網民認為該店不是有錢便懂得叫餸，「唔識欣賞杭州菜，真係唔好入去」，同時有網民表示該店「手工菜，係貴呀，唔通幾舊水落樓咩？」，但事主回覆表示「畀得呢個錢」，希望能好好食餐飯，「冇諗過咁唔welcoming（不受歡迎）」。有網民感嘆事主「後生仔輸經驗」，提到網上平台有食客分享餐廳沒有印刷的菜單，「俾客張單係手寫」。

部份網民留言表示如嫌價錢貴可以不幫襯，有其他網友隨即幫忙解釋，指事主原意是想強調「物非所值，收得$80一位茶芥錢，杯茶起碼有茶香，唔係普通到無印象」。有曾幫襯的客人表示多年前去過，「好食但貴到五星酒店價錢，又無話係唯一或最佳杭州菜咁厲害，老品牌有一批熟客囉」；也有網民評價食物味道不俗，「但服務同環境真係唔掂」。《星島頭條》記者就此致電餐廳，餐應表示不就此事件作回應。

文:RY

資料及圖片來源：treatment_center@Threads授權轉載