港女買外賣意粉驚見青口唔開殼店家1理由拒絕退款網上求助「係咪我無知？」餐飲業網民解釋背後原因......

更新時間：16:38 2025-06-24 HKT
發佈時間：16:38 2025-06-24 HKT

政府廣告呼籲：「貝殼類海產須徹底煮熟至好食」，如果看到經烹煮後又未開殼的海產，不少人都會建議扔掉處理。近日有港人在餐廳購入外賣青口意粉，惟打開外賣時，發現逾10隻青口中只有2至3隻已開殼，事主因擔心食用安全，決定經外賣平台申請退款，但被店家以1理由拒絕，令事主質疑「係咪我無知？」遂到網上求助，有網民表示餐廳的回覆離譜，亦有餐飲業網民嘗試解釋原因，即看下文了解詳情！

港女買外賣意粉驚見青口唔開殼店家以1理由拒絕退款

近日，有港人經外賣平台購買一客青口意粉，但當她打開外賣盒時，發現裏面逾10隻的青口中只有2至3隻的外殼有開口，出於擔心食用安全，她未有進食之餘，同時透過外賣平台申請退款。惟店家拒絕退款申請，並解釋所使用的青口於來貨時已是熟貨，所以「不會不熟」，又指「已通知煮的廚師記得用刀幫青口開返口，非常抱歉」。女事主對此原因表示不解，於是到社交平台發文向網民求助，「係咪我無知？」。

飲業網民解釋背後原因食安中心建議貝類海產須煮至外殼全開

對於女事主的疑慮，有自稱曾從事餐飲業的網民解答，如餐廳使用翻熱即可食用的青口，經常發生一包內有一半青口煮用後不會開殼，「未必係未熟，唔開口大機會係熟過一次又凍返又抽真空長時間壓住封口」，加上廚師落鑊只會稍為「兜兩嘢」，故此出現此情況。該名網民隨後補充，即使急凍熟青口已熟，「但我覺得都唔係咁乾淨」，認為最好都是經高溫翻熱後才進食。

不過，大多網民對此甚為擔心，表示從小到大被教導「貝殼類煮熟未打開係唔可以食」、「我以為貝殼類唔開口唔食得係常識」、「煮熟唔開口嘅青口，根本就係死口，唔食得嘅」。有網民認為餐廳的理由難以接受，「十有八九唔係煮之前死咗好耐就唔新鮮，掉咗佢好」、「最癲係佢個回覆喎」、「因為叫貨嚟嘅熟藍青口係工廠連袋煮，所以冇位開口？」

根據食物安全中心網頁顯示，烹煮時須考慮「食物安全5要點」中的「徹底煮熟」和「安全溫度」。「徹底煮熟」代表利用溫度計檢查食物中心溫度是否達到攝氏75度；如果沒有食物溫度計情況下，應徹底煮熟或翻熱食物至滾燙。其中，蠔及介貝類應加熱至內部溫度達攝氏90度並維持90秒，或在攝氏100度的沸水烹煮至外殼全開，然後烹煮至少5分鐘。

文:RY

資料及圖片來源:Threads、食物安全中心