食客轟西營盤小店趕客走？Walk-in入座後被告知無位：「第一次比人趕出餐廳」 店方曾咁回應 網民反應兩極……
發佈時間：16:09 2025-06-23 HKT
有時光顧餐廳如未有訂座，需視乎店方能否安排Walk-in入座，或由客人決定是否花時間等候位置。有網民早前打算光顧西營盤一間新派菜小店，由於未有訂位，獲店員以Walk-in方式入座，惟正準備點餐時卻被店員告知餐廳預訂已滿，「冇位要我哋走」。事主不滿餐廳的處理手法，直言破壞一整天的心情，「就算幾咁好食，我諗都唔會再返嚟食」。對於事主的經歷，網民持兩極反應，一方認為只是小事，另一方則認為餐廳安排有問題，事後店方曾這樣回應......
食客怒轟西營盤小店趕客？Walk-in入座後再被告知無位
有食客早前到訪西營盤一間小店，稱由於未有訂座，而店員當時表示可以Walk-in，惟只餘下靠近門口位置的梳化位，事主表示對此沒有問題便被安排入座。惟當事主入座後並準備點餐，另一位店員上前告知餐廳預訂已滿，「原來冇位要我哋走，就係咁人生第一次比人趕返出嚟」。事主當時未有向店方投訴，「但其實都幾嬲，破壞晒成日嘅心情」。
事主認為店方有更好的處理手法，不過經過今次之後，「就算啲嘢食幾咁好食，我諗都唔會再返嚟食喇」。其後店方曾於事主的帖文回覆，後來又將回應刪除。回應內容指當日預訂已滿，太多訂單情況下不容許再接受新客，就算強行接單亦需要長時間等候，形容當時「同事入咗枱walk in，佢哋只係啱啱坐低」，又指經理已即時跟客人致歉，「講唔好意思真係full咗做唔到」。
網民回應：其實好小事VS處理有問題
對於事主的不愉快經歷，有暖心網民安慰看開一點，「食唔到可能先係好，可能唔啱自己」；也有網民同情事主並認為餐廳處理手法有問題，由於店員之間的溝通問題導致客人承受後果，又直言如餐廳未能再接新訂單，就不應讓Walk-in客人入座，「做唔到就唔應該放人入嚟，放咗人先至叫人離開，呢個已經係問題」、「俾人坐低然後又趕人走，呢啲體驗真係好差，未食都已經一肚氣」、「你入咗就點都要做，一係就一開始就唔好入」。
有曾經任職餐飲經理的網民分享經驗，觀察到小店或許有人手不足的問題，忙起來溝通有錯漏，建議餐廳可以改善處理手法，「例如立即致歉，幫客人安排下次預約，提供折扣優惠等，令客人當下感受好啲，應該唔會搞成咁」。有網民則對店員當下態度感好奇，「你話俾人趕返出嚟，係啲員工好無禮貌定點？」、「究竟店員係『請』你離開，還是『趕』你走？」。
不過亦有曾光顧的網民為餐廳平反，指店員有禮貌及細心，「其實可以睇開少少，態度方面我幫襯過幾次，絕對好好」，又表示「既然覺得唔忿氣，點解唔當場同職員理論？」。有網友認為如此小事不要為難店員，「發現有錯叫返你走都好正常，如果唔係點對得住book咗位嘅客，咁小事唔使難為個侍應啦」。
文:RY
資料及圖片來源:Threads
延伸閱讀：港女質疑荃灣食店「冇廁所」講大話！嬲爆即取消全單：香港餐廳執笠自己攞嚟 惟1原因惹網民熱議
