港人叫外賣又中伏！$70黑椒牛肉飯驚變「監獄風」？網民眼花：以為個肉係紅豆沙
更新時間：15:27 2025-05-21 HKT
發佈時間：15:27 2025-05-21 HKT
發佈時間：15:27 2025-05-21 HKT
字體大小
近年很多人都會經外賣平台點餐，取其方便省時，足不出戶就可以填飽肚子。不過，叫外賣最怕就是貨不對辦！最近，再有網民經外賣平台點餐「中伏」，$70黑椒洋蔥牛肉套餐驚變「監獄餐」，無奈呻「其實會唔會太X過分？」，更遭網友笑言「我以為呢兜係紅豆沙」！
港人外賣又中伏！$70黑椒牛肉飯驚變「監獄風」套餐？
最近，有網民經外賣平台點了一客黑椒洋蔥牛肉套餐，附送沙律、燉湯及海苔飯，有齊前菜、主菜及例湯，看似相當豐富。然而，當餐點送達後，事主隨即發現「實物」與外賣平台顯示的圖片相距甚遠，嚴重「圖文不符」！
翻查外賣平台資料，餐廳供應的黑椒洋蔥牛肉套餐原價$99，平台折扣後為$69.3，包括一份黑椒洋蔥牛肉、沙律（可選香草牛油粟米或韓式泡菜），奉送是日燉湯及日式海苔米飯。
據事主上載的照片所見，除了海苔飯上未有有海苔，黑椒洋蔥牛肉的賣相更是慘不忍睹，令他無奈表示：「其實會唔會太X過分？」、「呢個飯仲要70大元添㗎」，有網民笑稱事主是否打算減肥，事主對此不滿表示：「X！明明呢個係肥仔餐，變咗減肥餐」。
網民笑言「差咗一個橙」！錯認黑椒洋蔥牛肉成「紅豆沙」
帖文及對比照片一出，隨即吸引網民熱議，不少人同情事主的遭遇，紛紛要求「開名」，直言「唔可以話差唔多啦，簡直毫無關係」，同時狠批外賣餐點賣相與「監獄餐」及「醫院餐」無異，甚至賣相更差，「差咗一個橙」、「衰啲咩入去坐？」、「監倉的伙食都好過你」、「醫院餐都好過呢兜嘢」！
有網民更錯將黑椒洋蔥牛肉看成紅豆沙，「我以為呢兜係紅豆沙」、「紅豆沙配白飯」、「紅豆沙當餸咁識食」，笑言「唔講真係估唔到係黑椒洋蔥牛」、「碗湯杏霜咁喎」；也有人提醒不要盡信外賣平台的圖片，「都話咗圖片僅供參考」。
文：LW
來源：Threads
同場加映：食甜筒無筒？維記甜筒開出「隱藏限量版」 網民笑言：有冇得放上網炒？官方有回應！
最Hit
六角形/石紋易潔鑊千萬不能用！？化學博士K Kwong：掛羊頭賣狗肉 拆解5大迷思
2025-05-21 14:39 HKT
狄波拉擔心李金凱疑眼濕濕：如果我不是謝霆鋒媽媽 一句揭已上契？ 拉姑被爆態度突變
2025-05-21 18:00 HKT
醫工結合｜踝關節復康機械人 助中風患者居家復康
2025-05-21 18:10 HKT
