港人「Foodie」呻火鍋放題中伏！$288套餐牛肉/吊龍賣晒自助區選擇少網民：夜晚11點賣晒唔奇VS衰過街市任食

更新時間：15:56 2025-05-13 HKT
發佈時間：15:56 2025-05-13 HKT

香港人一年四季都喜歡打邊爐「烚吓烚吓」，部份火鍋店除了單點之外更會推出火鍋放題，讓客人食個夠本！一位「Foodie」於網上分享近日與友人到葵芳一間新開業的放題火鍋店慶生，一行四人於晚上11時後入座，並選擇包含海鮮、牛肉、吊龍放題套餐。惟事主後來發現自助區肉類供應不足，「最後我只可以食生菜同出前一丁」，大呻「好失望同好嬲」。對於事主的體驗，網民反應兩極，有人認為臨近凌晨食材不足亦無可厚非，同時有網民表示店方供應的肉質素「衰過街市任食」。

港人「Foodie」呻火鍋放題中伏 $288套餐牛肉/吊龍賣晒

最近一位「Foodie」於網上分享自己與友人到葵芳一間放題火鍋店慶生，竟於網上掀起熱議。事主一行四人早前於晚11時光顧一間營業至凌晨3時的放題火鍋店，不吃海鮮的事主為了同行友人決定選擇收費最貴、包含海鮮的套餐，該套餐亦包括鮮切吊龍、牛板腱、五花腩片等。正當事主準備大快朵頤享用吊龍時，始被店員告知已經售罄，令事主大感失望，「佢話今日吊龍賣晒！」，事主向店員反映入座前未被告知食材不足，「如果一早賣晒我哋應該唔會入嚟食」。

其後，店員向事主解釋由於吊龍為新鮮貨，「所以賣晒就冇」，店方亦為此向事主送出榴槤和椰青作補償，但事主表示「我哋係唔食榴槤，所以我哋婉拒」。後來，店方另一位店員出面調停事件，事主此刻向對方表示「係Foodie的身份試菜影俾網友分享」，店員提醒事主下次如要試菜拍攝需提前預約，好讓店方整理店面。事主眼看沒有吊龍，打算到自助區取牛肉，但店員此時表示自助區牛肉亦售罄令事主大感震驚，「係冇晒牛！一間火鍋放題冇晒牛！佢話賣晒！」

由於事主不吃海鮮，他形容當時「唔知仲可以食乜嘢」，表示自己只能食生菜及出前一丁，最後店員從雪櫃取出4碟肉給事主一行人，「但之後真的賣完了」。事主形容整個體驗「好失望同埋好嬲」，他沒想過吊龍以及自助區牛肉售罄，「個店員話冇就冇」，同時質疑店方於食材不足情況下仍然招待客人進內。事主認為可接受部份食材售罄，不過並非重點牛肉，「而且是強調最好吃的吊龍」，與他們期待的「特級肉類任食」及「高品質海鮮任食」有所出入。最後，由於晚上11時後入座享有88折，事主一行人埋單連加一共$1153，換言之人均約$288。

網民不解：撻foodie身份出嚟做乜呢又？

對於事主的體驗，網民反應兩極，有網民認為當時已經晚上11時，食材售罄也不足為奇，「11點賣晒唔奇」、「11點先去都預咗無嘢食，但店方應該講明」、「你一開始講你夜晚11點去我就唔洗睇晒啦」。不過，有網民認為事主發現食材不足時便應該離開，「發現貨不對辦應該直接起身走」、「一係起身走，一係叫經理downgrade返個餐」、「連牛都無真係要叫佢再打折」。

有網民細心分析事件，認為事主選擇價錢最貴的海鮮套餐為了陪朋友，「你自己俾多嚿錢去買你唔會享受嘅嘢」，實際上與店家因牛肉售罄而「令你食唔食飽係冇關係」。該名網民解釋站在店家立場，客人選擇更高級的套餐是為了更多海鮮選擇，店家當時確實能夠如常供應，故此事主因沒有牛肉而吃不飽並不是店方全責，「人哋唔係冇offer嘢食俾你，只係佢有offer嘅嘢你冇興趣啫」。

此外，有網民不解為何事主於爭論時要提到「Foodie」身份，「見有咩唔高興，就話自己係foodie，就知佢咩料」、「Foodie大師平均你啲post得幾個like咋喎」、「睇到你話自己係foodie，我諗起陳芷菁話自己讀drama一樣」、「唔係話舖無問題，但係又Foodie試菜？又朋友生日飯？然後深夜11:00去拍片？」

文:RY
資料及圖片來源:香港茶餐廳及美食關注組